Тексты
Вернуться к списку | редактировать | удалить | Создать новый | История изменений | Статистика | ? Помощь
Sergei Georgijev. Ämmön luona kyläššä
Sergei Georgijev
Ämmön luona kyläššä
карельский: собственно карельское наречие
Новописьменный севернокарельский
Televiisori
Kerran
Sen’a istu ta ajatteli , mintähpä hänen Vera-ämmön pirtissä ei ole televiisorie .
Ka juštih šiih aikah pihalla talon luona kanat ruvettih lujašti karjumah ta kotkottamah .Sen’a kačahti ikkunah ta näki , jotta še kakši kukkuo toreuvuttih .
– Nyt mie hokšasin , ihaštu Sen’a . – Kaččuo ikkunah on äijyä mukavampi ! Mikänä televiisori ei tarviče !
Kaverit
Sen’a-poika kyšy ämmöltä , mitein kučutah nuapurien vasikkua .
– Šen nimi on Mot’a , vaštasi Vera-ämmö . – Šitä kaikin Mot’akši kučutahki .
– Višših , myö šen kera tulemma hyviksi kaveriloiksi ! šelvitti Sen’a .– Huomenekšella mie šeisoin portahilla ta heilutin kiälläni Mot’alla , a Mot’a heilutti hännälläh miula vaštah !
Kiukua
Konša Sen’a oli kyläššä , hiän opaštu ni kiukuata lämmittämäh .
Vera-ämmö juohatti punukkua , mitein pitäy ašettua halot tulipešäššä .
Sen’a piirti tulitikkuo ta šytytti tuohikappalehen .
– Kaupunkissa lapšien ei šua pelautuo tulen kera , kaiken varalta varotti Sen’a ämmyö .
– Hyvä , jotta še on kielletty , šuoštu ämmö . – Ka myö šiun kera emmä pelauvu , meilä vet on tovellini asie !
– Še on šuuri ero , tovisti Sen’a .
Koirankoppi
Vera-ämmön pihašša šeiso vanha koirankoppi .
– Ämmö , kerran kyšy Sen’a , – mintähpä še koppi šeisou tyhjänä ? Tiijätkö , kuin še on hyvä , konša šiula on koira ?
– Ka mitä varoin miula koira ? kummekšu ämmö .
– Miula ei ole mitä varteija , miun talošša ei ole mimmosiekana arvoesinehie !
– A mie ? viekkahašti kilčitti šilmieh Sen’a .
– Niin , šuoštu ämmö . – Šie olet miun tovellini uarreh !
Šamana päivänä Sen’a ta ämmö otettih koiranpentu .
Ta annettih šillä Bublik-nimi .
Ämmön luona kyläššä
карельский: собственно карельское наречие
Новописьменный севернокарельский