Тексты
Вернуться к списку | редактировать | удалить | Создать новый | История изменений | Статистика | ? Помощь
Tovarissan muissokši
Tovarissan muissokši
карельский: собственно карельское наречие
Новописьменный севернокарельский
Šuruviesti tuli
viime netälillä Kalevalašta .Kalevalan koulun opaštaja , Uhut-šeuran hallinnon jäšen , paikallini aktivisti ta kotišeuvun tutkija Galina Gerasimova šiirty tuonilmasih .
Yli kolmekymmentä vuotta Galina Toivovna oli ruatan Kalevalan keškikoulušša istorijan ta kotišeuvun opaštajana .Hiän oikein hyvin tiesi , jotta kotišeuvun tutkimisešša veššoilla ta esinehillä on ylen tärkie rooli : ne parempi kaikkie oppikirjoja kerrotah lapšilla meijän pienen kotimuan ta muanmiehien istorijašta .Monta vuotta Galina Toivovna oli kerännyn ainehistuo koulun kotišeutumusejoh .Šuuri Isänmuallini šota on aina ollun koulumusejon tärkeimmällä paikalla .Tämän kauven tutkimiseh Galina Toivovna pani äijän aikua ta voimie .Yheššä opaštujien kera hyö tallennettih rintamamiehien muisselmie , käsiteltih niitä ta šiirrettih ne šähköformattih .
Enšimmäni ”Kuolomatoin rykmentti ”, kumpani aštu Voitonpäivänä Kalevalan katuja myöten , šekä kerätyt ainehistot partisanitoiminnašta Kalevalan piirissä šovan aikana – kaikki tämä on Galina Gerasimovan anšijuo .
Galina Toivovna aktiivisešti toimi Uhutšeuraššaki : yksikänä pito ei männyn ilman hänen ošallistumista .Viime vuuvven kešäkuušša Galina Gerasimova oli valittu delegatiksi Kalevalan piiristä VII Šuomelais-ugrilaisien kanšojen muajilmankongressih , mi piettih Šuomen Lahešša .Hiän kuulu šamoin VIII Karjalaisien kerähmön valtuutettujen neuvoštoh .
Kollegat ta tovarissat ylen lämpimäšti muissellah Galina Gerasimovua – hyväntahtoni , avomielini ihmini , kumpani aina oli valmis auttamah .Hyvä muisto täštä hyväštä ihmiseštä šäilyy kaikičči heijän šyväimissä .
Tovarissan muissokši
карельский: собственно карельское наречие
Новописьменный севернокарельский