Тексты
Вернуться к списку | редактировать | удалить | Создать новый | История изменений | Статистика | ? Помощь
Vikkelä Šiili
Vikkelä Šiili
карельский: собственно карельское наречие
Новописьменный севернокарельский
Talviuni
Šiili ta
Orava valmistauvuttih talven tulokši .Hyö kerättih omenua , šientä ta pähkinyä .
– Kačo , kuin kaunis koivunlehti ! šano Šiili Oravalla .
– Puitto še koivunlehtijä kerätäh talvekši ? ihmetteli Orava .
– Tätä lehtie mie koko talven niän unissani , šurullisešti vaštasi Šiili .
Kiukua
Vanhan kannon luona Šiili huomasi tulišijan .Tuhka oli vielä lämmin .
– Kyllä ihmiset ollah hyvin kummalliset olennot , ajatteli Šiili . – Ka nytpä tiijän , mintäh heijän taloissa talvella on niin mukava ta lämmin .
Viisaš Šiili läksi ielläh omua tietä ta kuivat lehet hänen käpälöjen alla aštuos’s’a šuhistih : kiu-kua , kiu-kua , kiu-kua !
– Šemmoni hyvä šana : ”kiukua ”! mietti Šiili ičekšeh .– Šuuri ta lämmin šana ! Mie šanosin niin šen paikan ihmisien talošša , missä talvella eläy kuuma ropivo !
Šiitä Šiili tuli omah pešäh ta käpristy piikkikeräkši .
– Kiukua ! Kiukua !čuhutti hiän uinotešša .
Ta jo unešta läpi Šiili hokšasi , jotta omašša pešäššä hiän iče onki piäkiukua .
Kevyän tuokšu
Šiili havaččeutu avautunehien koivun lehenurpojen väköväštä tuokšušta .Hiän aštu pešäštä ta nuuški ilmua ...
Mua oli vielä kylmä , ka Šiilin tarkka nenä erotti vienon heinän hajun .
A nurmikolla vesseläšti hyppeli Jänis .
– Mitäpä šie olet niin hyvällä tuulella ? kyšy Šiili Jänikseltä .
– Ka mečäššä jo šiilillä haisuu ! ilosešti vaštasi Jänis .– Kevät tuli !
Jiäpuikon iäni
Šiili kömpi pešäštä .Käpälöjen alla kričaistih hoikat jiäpalaset .
Vanhan pajun alimmaisešta okšašta rippu pitkä läpinäkyjä jiäpuikko .
Šiili varovašti koški jiäpuikkuo kynnellä .
– Tal-vi ! Tal-vi !vaštasi jiäpuikko čilakalla iänellä .
Pilven takuata näyttäyty päiväni .Tuuli heilutti pajun latvua ta jiäpuikko heliešti laulo :
– Ke-vät !Ke-vät !
– No , še on parempi ! ihaštu Šiili tä läksi omua tietä .
Vikkelä Šiili
карельский: собственно карельское наречие
Новописьменный севернокарельский
–