Тексты
Вернуться к списку
| редактировать | удалить | Создать новый
| История изменений
| Статистика
| ? Помощь
Mitte voib olda tal’v?
Источник:
Mihail Pl’ackovskii. Vepsäks kändi Maria Mironova, Kodima. № 2, 2018, с. 8
Mitte voib olda tal’v?
вепсский
Младописьменный вепсский
Kerdan küzutihe slonal:
– Mitte voib olda tal’v?
– A mi nece om tal’v?
– čududelihe slon.
Küzutihe kerdan pohjoižel pedral:
– Voib olda, sinä andad vastust, mitte voib olda tal’v?
– Tal’v voib olda lujas pit’k, – sanui pedr.
– Se minun kodimal jatkub kogonaižen voden.
A konz voz’ lopiše, tal’v zavodiše udes.
Küzutihe kerdan vilulindal:
– A sinä midä meletad, mitte voib olda tal’v?
– Tal’v voib olda jüged, – sanui vastha vilulind.
– Om hüvä, ku ristitud ei unohtagoi antta linduile leibmuruid.
A ku unohtadas, kuspäi niid otta?
Küzutihe kerdan koiral:
– Nacein, sinä tedad, mitte voib olda tal’v?
– Br-r-r!
Se om vilu!
– Sid’-žo nutaškanzi koir.
– Om hüvä völ, ku om koda!
Sigä voib lämbiteldas.
Küzutihe kerdan kondjal:
– A kut sinä meletad, värlap?
Mitte voib olda tal’v?
– A midä sen polhe pagišta-se?
– rävkni kondi.
– Ved’ tal’v om lühüd – jatkub vaiše ühten ön!
Uindad pezas tal’vel, a heraštud – irdal om jo keväz’.
Küzutihe kerdan prihažel:
– Nu-ške, sanu sinä: mitte voib olda tal’v?
– Tal’v om ilokaz!
– heikahti prihaine.
– Tal’vel lapsed huzaidaba reguzil, štarguil, hihtäba suksil, tegeba lumiukoid.
A völ – vändaba lumižil!
Naku mitte voib olda tal’v!