Тексты
Вернуться к списку | редактировать | удалить | Создать новый | История изменений | Статистика | ? Помощь
Ol’ga Jeršova. Vepsän kel’ Švecian universitetas
Ol’ga Jeršova
Vepsän kel’ Švecian universitetas
вепсский
Младописьменный вепсский
Heinkun
lopus Švecian Uppsala-lidnas mäni kezaline openduzvastuz vai töpaja ”Summer workshop : Introduction to the Minor Finnic Languages ”, mitte tundištoiti vastusen ühtnikoid peniden baltianmeren-suomalaižiden kelidenke .
Uppsala ei ole sur’ lidn , no se om lujas čoma .Sigä sijadase Skandinavian kaikid vanhemb universitet , mitte avaitihe 15.voz’sadal .Nügüd’ nece om sur’ i tutab universitet .Siš radab suomalaiž-ugrilaižiden keliden professor Rohir Blokland .Hän vaumiči-ki necen kezaližen opendusen , miččele tuli 15 üläopenikad da aspirantad Evropan kudes universitetaspäi : Tartu (Estonia ), Helsinki da Turku (Suomi ), Seged (Vengria ), Münhen (Germania ), Vena (Avstria ).Tundištoittes oli valitud koume kel’t : livin kel’ , vepsän kel’ da suviestonian paginad .
R .Blokland kucui vedämaha openduzkursoid koume opendajad : Valt Ernštrait Latviaspäi , Helen Plado Estoniaspäi da Ol’ga Žukova Karjalaspäi .Kaikuččele kelele oli anttud päiv , konz tarbiž oli starinoita , tehta ezitusid , a jäl’ghe tehta praktiližid kelen tegendoid .V .Ernštrait starinoiči liviläižiš – penes rahvahas , mitte eläb Latvias meren randal .
Toižel päiväl Petroskoin universitetan opendai Ol’ga Žukova starinoiči vepsläižiš : heiden elontahoiš , vepsän kelen erigoičusiš da paginoiden eroiš .Mugažo ezituses oli ozutadud nügüd’aigaline-ki elo – vepsänkeline literatur , lugendlehtez , kelen openduz , Vepsän kul’tursebr i m .e .Lopuks kaik kacuiba ”Vepsän sai ”-fil’mad , mitte lujas tuli mel’he da sünduti äi küzundoid .Praktiližes palas openikad lugiba tekstad vepsän kelel , andoiba vastusid küzundoihe , kändiba vepsän kelespäi suomeks da eskai openziba penen runon .Vepsän kelen el’gendamine ei olend lujas jüged heile , sikš ku kaik teziba suomen vai estin kel’t .
H .Plado Tartun universitetaspäi sanui Estonian suvipaginoiš , Viru-tahon paginoiš .Hän eziti , miččid fonetižid da grammatižid eroid om niiš estin kelen rindatades .
Jäl’gmäižel päiväl oli kaikuččen universitetan ezituz , kus iče openikad starinoičiba keližiš oppindtemoiš .Professor R .Blokland lujas spasiboiči opendajid tulendas da rados .Opendusen töpajan aigan kaikutte voili sanuda ičeze mel’pidoid da küzuda midä taht .Paginad da tundištoitused jatksihe i longen , i ehtlongen aigan .Om melentartušt , miše äjiš evropalaižiš universitetoiš om tahtnikoid teta i oppida suomalaiž-ugrilaižid kelid .
Vepsän kel’ Švecian universitetas
вепсский
Младописьменный вепсский