Тексты
Вернуться к списку | редактировать | удалить | Создать новый | История изменений | Статистика | ? Помощь
Hüväd lugemišt!
Hüväd lugemišt!
вепсский
Младописьменный вепсский
Uden
al’manahan päkirjutez om omištadud Vepsläižen rahvahaližen volostin elo-ozale .Sen avtor Zinaida Strogalščikova starinoičeb sen tegemižen da sauptamižen istorijad .
Tetaban suomalaižen kirjutajan Raisa Lardotin jubilejaks neciš nomeras om paindud ezmäine hänen ”Segoinuded lindud ”-povest’-hronikan pala , miččen nimi om ”Vepsläižes mas ”.Avtor starinoičeb ičeze laps’ aigas , mitte mäni Šokš-küläs , voinvoziš i lähtendas Suomehe .Iče Raisa om vepsläine i om sündunu Šokšuhu .Nügüd’ hän eläb Helsinkiš .Hänen polhe tö mugažo voit lugeda neciš nomeras .Kirjutesen , miččen nimi om ”Minä-ki olen vepsläine ”, vaumiči Marina Zarubalova .
Avtoroiden keskes , kudambad kirjutaba prozad , runoid , očerkoid i kudambad oma hüvin tutabad vepsläižele lugijale , voib löuta Nina Zaicevad , Valentina Lebedevad , Vasilii Pul’kinad .
Al’manahas voib tundištadas unenhengidenke , miččed oma vepsläižil .Darja Hil’ pit’kha oppi necidä temad i iče pirdi kuvid nenihe hengihe .
Mugažo al’manahas voib löuta melentartuižid materialoid tetabiden ristituiden elon polhe .Hö tegiba suren panendan vepsän kelen kehitoitusehe .Gul’a Polivanova starinoičeb meile ičeze armhas opendajas – Viktor Petrovič Jeršovan polhe .Hän oli ezmäižen ristitun , kudamb toi Vidlan školha vepsän kul’turad .
Šoutjärven etnografižen muzejan pämez’ Natalia Anhimova jagase ičeze tundmusil vepsläižen külän enččes da nügüdläižes elos .Neche kirjutesehe om pandud čomad mujukahad fotod , kus om kuvatud pohjoižvepsläižed posadad .
Kenele om melentartušt taideh , voib lugeda kirjutesen vepsläižiš taidehpirdajiš , kudambile libuti henged vepsän röunan čomuz’ .
”Verez tullei ”-al’manahan tiraž om 200 ekzempl’arad , se voib ostta Petroskoin ”Periodika ”-paindištos .
Hüväd lugemišt!
вепсский
Младописьменный вепсский