Тексты
Вернуться к списку | редактировать | удалить | Создать новый | История изменений | Статистика | ? Помощь
Jevgenia Sinickaja. Kalatamha asttes
Jevgenia Sinickaja
Kalatamha asttes
вепсский
Младописьменный вепсский
Starinad
kezan polhe
Kezal koume prihašt-sebranikad : Miša , San’koi da T’omoi paksus käveliba järvele kalatamha .Astta järvehesai tarbiž oli mectehutme .Tämbei oli tün’ , päiväsine sä , i sebranikad hotkas astuiba toine toižen jäl’ghe .
– T’omoi , – sanub Miša , – egläi , konz mö San’kanke tägä astuim , a sinä kodihe jäid , mö necil sijal kondjan nägim .
– En usko , kelastad , – sanub T’omoi , a iče kaclese , ved’ ezmäine astub .
– En kelasta ! Nägim !– heikaba Miša da San’koi .
– Nu , kusak teiden kondi om ? – küzub T’omoi i sil aigal polgeb bapshaižen pezaha heinäs .
Käreganuded bapshaižed zavodiba kokta T’omoid jaugha .Prihaine kut kidastaškanzi , käzil maihutaškanzi .– Abutagat ! – heikab .
A toižed prihaižed meletiba , miše hän toziki kondjan homaiči da joksiba tagaze .Kaiken unohtiba : i kalatusen polhe , i kuna astuiba .
Mäni aig , prihaižed kazvoiba surikš mužikoikš .No , konz hö vastasoiš kezal küläs , kaiken johtutaba neciš azjas da veslas nagraba .A siloi ei olend ilod !
Kalatamha asttes
вепсский
Младописьменный вепсский