Тексты
Вернуться к списку | редактировать | удалить | Создать новый | История изменений | Статистика | ? Помощь
Erz'a-rahvahan čoma kirjutai
Erz'a-rahvahan čoma kirjutai
вепсский
Младописьменный вепсский
Gennadii Grebencov om
Venäman Kirjutajiden sebran ühtnik , Mordovijan arvostadud runoilii .
Hän om sündunu 2.tal’vkud vodel 1957 Buzajevo-külähä .Školan jäl’ghe Gennadii päzui opendamhas Ičalkovan pedagogižehe opištoho , sid’ – Mordvan universitetha N .P .Ogarevan nimel filologižele tedokundale .
Gennadii Grebencov kirjutab erz’a-kodikelel lapsile da norištole runoid da prozad .Nügüd’ hänel om enamba kümned sarnoiden , starinoiden kirjad da runokogomust .
Ezmäižen kerdan hänen starin paindihe vodel 1976, konz Gennadii openzihe opištos .A ezmäne hänen kirj – ”Nüga oravaine ” («Ёжов ур ») – läksi , konz Gennadii oli universitetan üläopenikan .
Opetes universitetas Gennadii kosketihe toižiden rahvahiden kirjutajidenke .Hän äjan ühtni erazvuiččihe konferencijoihe , miččed koskiba literaturad , kändmišt kodikelespäi , ajelihe rahvahaližile praznikoile , ühtni suomalaiž-augrilaižihe kongressoihe .Nügüd’-ki Gennadii Grebencov paneb äi väged ičeze rahvahan kul’turan kaičendaha da literaturan kehitoitandaha .
Gennadii Grebencovan proza da runotuz om paindud äjiš kogomisiš , miččed läksiba eloho Moskvas , Saranskas , Joškar-Olas .Erased töd om kätud venän , bolgarian , vengrian , baškirijan , udmurtijan kel’he .
Meiden vepsläižes Kipinän nomeras tahtoim tundištoitta teid , kalhed lugijad , Gennadii Grebencovan sädandradho .Vepsän kel’he runod kändi Ol’ga Žukova .Ned om ottud ”Lumitähthaižed ” (2017)-kogomusespäi , miččen Gennadi omišti ičeze armhale Alisa-vunukale .
Erz'a-rahvahan čoma kirjutai
вепсский
Младописьменный вепсский