Тексты
Вернуться к списку
| редактировать | удалить | Создать новый
| Статистика
| ? Помощь
Minun Karjalanma...
Источник:
Nina Zaiceva, Verez Tullei, 2018, с. 6
Minun Karjalanma...
вепсский
Младописьменный вепсский
Minun Karjalanma,
Minun Karjalanma,
Karjalanma – minun armastuz.
Tähthid taivhale pan’...
Ned om pohjoižen än’,
Kuti mitte-se
Minun pit’k varastuz.
Sur’ om mecoiden rand...
Äkkid kuluse vänd:
Puhu nökal tik komedas kolkotab.
Tuli homendezaig…
Minei mel’he – sid’ kaik,
A südäimes – keloižil
kelotab.
I järved kut sil’mäd sid’ om,
A mecas om sur’ bolanžom –
Sügüz’vilud niid maspäi jo vedaba.
A puiš – rugad äi,
Kuldmujuiš – uz’ päiv,
I vastha sid’ seižuba
Pedajad.
Kut poimetiž om lehtezžom,
Se päiväha ličnus jo om,
I kastkel se hoštab, kut edel.
A oja meid ičhepäi vei,
Sirič niken mäne ei!
Oja kibud-kiheitab
Kaik vedel.
I ujub, kut miččiš-se sädegiš,
Ujub lehtiš i vihandoiš kavagiš
Minun Karjalanma.
Mä sinei äi pajoid täs ton,
Kac, mitte om meil zor’ažom!
I kaikil meil südäimes sä,
Minun Karjalanma.
