Тексты
Вернуться к списку | редактировать | удалить | Создать новый | История изменений | Статистика | ? Помощь
Nina Zaiceva. Vepsänman kivi
Nina Zaiceva
Vepsänman kivi
вепсский
Младописьменный вепсский
Om
Šokšus kaidud kivitandreh ,
Sen maksoi sur’ ”Memorial ” –
I maks-ki edel oli anttud ,
I kivi ottud maspäi al .
A sid’ ved’ oli kal’hid löudoid ,
Sid’ noidusižid kal’l’oid – äi ,
No tulijoile – ei žal’ pöudoid ,
Hö ottas kivid migo päiv .
I sündui vepsän maha haudoid ,
Must tühjuz’ eläb nügüd’ täs .
I vaiše kaumžomal , läz kaumoid
Voib löuta armast kived läz .
Mä kumarzimoi ani maha ,
Läz maman kaumad kivi om ,
Siš mušton kandab meile ahav ,
Ved’ nece vepsän kivižom .
Mä ocal kingitimoi kivhe ,
Se mujub maman kädele ...
Toi-k vepsän kivi äjan vihad ,
Mikš mušt sen lendab taivhale ?
Vepsänman kivi
вепсский
Младописьменный вепсский