Тексты
Вернуться к списку | редактировать | удалить | Создать новый | История изменений | Статистика | ? Помощь
Agnia Barton runoiden jäl’gidme
Agnia Barton runoiden jäl’gidme
вепсский
Младописьменный вепсский
Veraine i
mäčut
Meiden Vera randal itkeb ,
hänen mäčut lainhil bipkub .
Ala , Vera , itke lujas ,
mäč ei upta , randha ujub !
Vända mäčul , Veraine ,
sinun – rusked keraine !
Minä i häčoi
Astub häčoi , varaidab ,
hengib opalas :
laud jo lujas säraidab ,
lankten teravas !
Minä häčoid noras ven ,
sorta maha anda en !
Abu kondjale
Kondi-raukoi venub laval ,
lapan ratkaitihe hänel .
Minä händast taci en ,
kondi – hüvä , tedan sen !
Otan neglan , lapan omblen ,
omblen korvad , omblen kombud !
Minun kondi – kuti uz’ ,
olem sebras migo voz’ !
Kaži i mašin
Mašinaha kažin panin ,
tahtoin štargutamha ani .
Kaži ištta tahtoi ei ,
eskai mašinan-ki vei !
Mašin venub bokal ,
kažil oli mokad !
Kus om sijad ?
Lendimen mö tegim iče ,
sinna tarbhid azjoid ličim .
Enamb sijad-ki jo eile ,
kunak tariž išttas meile ?
Lähtem mamannoks mö pigai ,
löudub meile sijad siga !
Minä i flagut
Tämbei praznik tuli sur’ ,
kodiš kaikil – lebukur !
Kanzal irdha astum
rahvahale vastha !
Minun kädes – fl agut ,
andab minei abud :
leihutan sil asttes
muga astum vätes .
Agnia Barton runoiden jäl’gidme
вепсский
Младописьменный вепсский