Тексты
Вернуться к списку | редактировать | удалить | Создать новый | История изменений | Статистика | ? Помощь
Yhistynehien Kanšakuntien deklaratijo alkuperäiskanšojen oikeukšista (31-40 pykälä)
Yhistynehien Kanšakuntien deklaratijo alkuperäiskanšojen oikeukšista (31-40 pykälä)
карельский: собственно карельское наречие
31 pykälä
1. Alkuperäiskanšoilla on oikeuš šäilyttyä , hallita , šuojella ta kehittyä omua
kulttuuriperintyö , perinnehtietoja ta perintehellisie kulttuuri-ilmaisuja šekä tiijon , teknologijan ta kulttuurin eri muotoja , käyttyän hyväkši ihmis - ta geneettisie voimavaroja , šiemenie , liäkkeitä , tietoja eläimien ta kašvien ominaisuukšista , šuullista perinnehtä , kirjallisuutta , urheiluo šekä perintehellisie pelijä ta leikkijä šekä kuvataitehie ta esityštaitehie .Alkuperäiskanšoilla on vielä oikeuš šäilyttyä , hallita , šuojella ta kehittyä tähä kulttuuriperintöh , perinnehtietoh ta omih perintehellisih kulttuuri-ilmaisuih liittyvyä henkistä omaisuutta .
2. Valtijot toteutetah yheššä alkuperäiskanšojen kera tehokkahie toimintoja , kumpasilla tunnuššetah ta šuojellah niijen oikeukšien käyttämismahollisuutta .
32 pykälä
1. Alkuperäiskanšoilla on oikeuš miärätä ta kehittyä enšišijasie prioritettija ta strategijoja omien maijen tahi alovehien ta toisien luonnonvarojen kehittämistä ta käyttyö varoin .
2. Valtijot neuvotellah perinpohjin ta toimitah yhteistyöššä alkuperäiskanšojen kera niijen omien etuššušelimien kera šuahakšeh niijen vapuan ta tietoh peruštuvan ennakkošuoštumukšen ennein kuin valtijot hyväkšytäh projektija , kumpaset vaikutetah alkuperäiskanšojen maih tahi alovehih ta toisih luonnonvaroih , erityisešti kehittyässä , käyttyässä ta hyövynnettyässä mineraali - ta vesivaroja tahi toisie luonnonvaroja .
3. Valtijot taritah tehokkahat hyvityšjärještelmät , kumpasien avulla korvatah asienmukasešti ta oikeuvenmukasešti ennein mainittu toiminta , ta niijen pitäy toteuttua asienmukaset toiminnat , kumpasilla lievennetäh ympäristöh ohjattuja talouvellisie , sosiaalisie , šivissykšellisie ta henkellisie haittavaikutukšie .
33 pykälä
1. Alkuperäiskanšoilla on oikeuš miärätä omašta identiteetistä ta jäšenyyvveštä omien tapojen ta perintehien mukah .Še ei häiriče alkuperäiskanšoih kuuluvien yksilöjen oikeutta šuaha oman elinvaltijon kanšalaisuuš .
2. Alkuperäiskanšoilla on oikeuš miärätä omien toimintaelimien struktuurit ta valita niijen jäšenet omien järještelytapojen mukah .
34 pykälä
Alkuperäiskanšoilla on oikeuš kehittyä ta šäilyttyä omien
toimintaelimien struktuurija šekä omie tapoja , henkellisyyttä , perintehie , järještelytapoja ta käytäntöjä šekä mahollisie oikeušjärještelmie ta -tapoja kanšainvälisien ihmisoikeušnormien mukah .
35 pykälä
Alkuperäiskanšoilla on oikeuš miärätä niihi kuuluvien yksilöjen velvollisuukšie yhteisöjäh kohtah .
36 pykälä
1. Alkuperäiskanšoilla , erityisešti kanšainvälisien rajojen jakamilla kanšoilla , on oikeuš šäilyttyä ta kehittyä rajat ylittävie yhteykšie , šuhtehie ta yhteistyötä , kumpasih kuuluu henkellini , šivissykšellini , poliittini , talouvellini ta sosiaalini toiminta , niihi kuuluvien yksilöjen ta rajojen toisella puolella eläjien kanšojen kera .
2. Valtijot toteutetah alkuperäiskanšojen kera neuvotellen ta yhteistyöššä toimien tehokkahat toiminnat , kumpasilla helpotetah tämän oikeuven käyttämistä ta varmissetah šen toteutumini .
37 pykälä
1. Alkuperäiskanšoilla on oikeuš valtijojen ta šeuruajavaltijojen kera luajittujen šopimukšien ta muijen rakentavien järještelyjen tunnuštamiseh , on oikeuš niitä piteliytyö ta šuattua ne voimah , šekä šiih , jotta valtijot kunnivoitetah ta piteliyvytäh näitä šopimukšie ta toisie rakentavie järještelyjä .
2. Mitänä täššä Deklaratijošša ei šua šelvittyä šillä tavoin , jotta še vähentäis tahikka poistais alkuperäiskanšojen oikeukšie , kumpasista on miärätty šopimukšilla ta toisilla rakentavilla järještelyillä .
38 pykälä
Valtijot toteutetah alkuperäiskanšojen kera neuvotellen ta yhteistyöššä toimien asienmukaset toiminnat , kumpasih kuulutah lakijenluajintatoiminnat tämän Deklaratijon tavoittehien šuavuttamisekši .
39 pykälä
Alkuperäiskanšoilla on oikeuš šuaha valtijoilta ta kanšainvälisen yhteistyön kautti talouvellista ta teknistä apuo , jotta ne voijah toteuttua tähä Deklaratijoh šisältyvie oikeukšie .
40 pykälä
Alkuperäiskanšoilla on oikeuš asienmukasih ta oikeušmukasih järještelytapoih , kumpasilla ratkaissah niijen konfliktit ta riijat valtijojen tahi toisien ošapuolien kera , on oikeuš šuaha asieta koškija piätöš viipymättä ta on oikeuš tehokkahih oikeuššuojakeinoih kaikkie yksilöllisien ta kollektiivisien oikeukšien rikkomista vaštah .Tämmöseššä piätökšeššä pitäy ottua asienmukasešti huomijoh alkuperäiskanšojen tavat , perintehet , šiännöt ta oikeušjärještelmät šekä kanšainväliset ihmisoikeuvet .
Yhistynehien Kanšakuntien deklaratijo alkuperäiskanšojen oikeukšista (31-40 pykälä)
карельский: собственно карельское наречие