Тексты
Вернуться к списку | редактировать | удалить | Создать новый | История изменений | Статистика | ? Помощь
Olʾga Smotrova. Hyväs ruavos hyvägi palkindo
Olʾga Smotrova
Hyväs ruavos hyvägi palkindo
карельский: ливвиковское наречие
Новописьменный ливвиковский
Šuojun kyläs
palkittih vuvven 2016 laureatat .
Joga kyläs dai pienes hierus on mostu rahvastu , kudamat ollah valmehet tulemah abuh , ilmai ruadamah oman kylän hyväkse libo muite ruatah kunnon luaduh omas ruadokohtas .
Joga vuottu eri kylis ilmoitetah laureattoi .Kehittiä ristikanzua laureatakse voi kyläs ruadai organizatsii .Niilöi , kedä kehitettih palkittavakse kyläläzet rahvas , sanotah nominantoikse .Tänävuon Šuojun kyläs rodih 18 laureattua da 52 nominantua .Misbo hyvyös voibi suaja Vuvven laureatan libo nominantan nimi ?
Laureatoin joukkoh puututtih eri aloin ruadajat : školan opastai Ol’ga Kondratenko , päivykoin muuzikan opastai Tatjana Čelpanova da keittäi Zinaida Čehonina .Enzimäzet laureatoin luvettelos ollah Šuojun Veteruanoin nevvostoh kuului Zinaida P’ačina da Šuojun stansien Veteruanoin nevvostoh kuului Valentina Romanova .Laureatoin keskes ongi kul’tuurutaloin , muuzikkuškolan , ambulatourien , Zaitsevan nimizen souhozan , Promles - da toizien laitoksien ruadajua .
Nominantoin joukkoh voibi puuttuo hos mis hyvyös , nominatsietgi joga vuottu ollah erilazet , liženöy uuttugi .Mustan , kaksi vuottu tagaperin palkittih Šuojun kylän Vkontakte-saitan joukon andimistruattoru vai sit , ku joukko “eläy da kehittyy ”, ku päivy päiviä liženöy sih kuulujua da rodieu uuttu paginua .Tänävuon ebätavallizii nominatsieloi on “Vuvven löydö ”, kudamah puutui kaksi hengie – fotokuvuaju Tatjana Akulova da nuori taidoilii Vladislav Krilov .Onnuako parahat Šuojun kuvat ollah vaste ei ammui Šuojuh muuttanuon Tatjana Akulovan al’boumas , eläkkehel olii fotokuvuaju jättäy jällele monii nuorii zirkalokameran käyttäjii .Vladislav Krilov sai opastuksen Piiteris da tuli järilleh roindumuale , joudaval aijal piirustau Šuojun joven randoi , kodiloi , luonduo .Juuri Vuvven laureatoin palkičendutseremounien päivänny Šuojun kul’tuurutalois avavui Vladislav Krilovan kuvien ozuttelu .Se , ku kyläs on moine nerokas taidoilii , oli uudizennu kaikile pidoh tulluzile .
– On hyviä mieldy nähtä da palkita täl laval uuttu aktivistua , kudamat ruatah meijän kylän da sen eläjien hyväkse , sanou Šuojun piälikkö Anastasija Sokolova .
Uuzii nominatsieloi oli “Kačahtus tulieh aigah ”.Sih puutui kaksitostu hengie , kudamat hommattih kai ruavot , ku heijän pihat puututtas uudeh federuallizeh programmah “Linnan mugažu ymbäristö ”.Hos programman tuloksii vie ei ole , ga pluanoin mugah , heinykuus ruvetah luadimah uuttu asfal’tua Sovetskajan pihah .
Toizien nominatsieloin joukos ollah “Azu hyvytty ”, “Toizih niškoi ”, “Avvoisydämellizet ”, “Hyvys pellastau muailman ”.Perindöllizenny nominatsiennu on “Sportan suvaičukses ”, onhäi Šuoju kuulužu jiäkur’oih da florbolah kižuajil .Kai laureatat da nominantat suadih kiitändykirjazen kylän halličuksen puoles da mustolahjat – kupit Šuojun kuvienke .
Palkičuspivon lopus oli konsertu .Laval pajatettih kui vahnemban polven rahvas , mugai päivykoin lapset .Ammuzis aijois täs kyläs on helevyiänizii pajattajii da heidy liženöy vuozi vuottu .
Hyväs ruavos hyvägi palkindo
карельский: ливвиковское наречие
Новописьменный ливвиковский