Тексты

Вернуться к просмотру | Вернуться к списку

Mintäh šiilillä ei ole kaverija

История изменений

11 сентября 2019 в 22:28 Нина Шибанова

• создал(а) текст
• создал(а) текст: Oli ta eli šiili. Ta hänellä ei ollun kaverija. Kerran šiili läksi niitä eččimäh. Aštuu šiili meččyä myöten. Hänellä vaštah jänis hyppiy. – Terveh, šiili, šanou jänis. – Kunne šie aššut? – Ka läksin kaverija eččimäh, vaštasi šiili. – Ota miut kaveriksi! – En ota, jänöseni, šie olet liijan varačču. Läksi šiili ielläh. Aštuu, aštuu, a hänellä vaštah repo hiivuou. – Terveh, piikkipiä! Kunne šie aššut? – Ka läksin kaverija eččimäh. – Ota miut kaveriksi! – En ota, repo-kuomaseni, šie olet liijan viekaš, vielä petät milma. Ta läksi šiili ielläh. Aštuu, aštuu, a hänellä vaštah harmua hukka juokšou. – Terveh, piikkipiä! Kunne šie aššut? – Ka läksin kaverija eččimäh. – Ota miut kaveriksi! – En ota, hukkaseni, šie olet liijan vihani, vielä kiušuat milma. Ta läksi šiili ielläh. Aštuu, aštuu, a hänellä vaštah kontie ryömiy. Ka kontie niise ei kelvannun šiilillä kaveriksi. Šiitä ajašta alkuan šiili niin ni eläy yksin, ilman kaverija.