Тексты
Вернуться к списку | редактировать | удалить | Создать новый | История изменений | Статистика | ? Помощь
Viisaš Tamara
Viisaš Tamara
карельский: собственно карельское наречие
Новописьменный севернокарельский
Eläy
meijän korttierissa eräš inšeneri .
Onhan šemmosie inšenerija , kellä on viikšet ta šilmälasit .
Kerran tämä inšeneri kipeyty ta läksi šuveh liäkiččeytymäh .
Niin hiän mäni šuveh ta pani huonehen lukkuh .
Mänöy kolme päivyä ta yhtäkkie nuapurit kuullah , jotta tämän inšenerin huonehešša šurkiešti n’aukuu kišša .
Yksi naini šanou :
– Kyllä tämä inšeneri on hävitöin .Iče mäni šuveh ta huoneheh jätti oman kiššan .Ta nyt tämä elukka-parka , onnakko , kuolou ilman ruokua ta vettä .
Nyt kaikki eläjät šiännyttih inšenerin piällä .Yksi heistä šanou :
– Kyllä tämä inšeneri on loukkopiä .Mitein še voipi jättyä kiššan ilman ruokua kuukauvekši .Kiššat täštä kuollah .
Toini nuapuri šanou :
– Pitäy rikkuo ovi .
Šiih tulou talon sännöiččijä .Hiän šanou :
– Ei , ovie ei šua rikkuo ilman inšenerin lupua .
Yksi pieni Nikolaša-poika šanou :
– No kučumma tulipalojoukon .Palomiehet tullah , ruttoseh pannah tikapuut ikkunah ta pelaššetah kišša .
Talon isännöiččijä šanou :
– Kerran ei ole tulipaluo , ei šua kuččuo palomiehie .Täštä pitäy šakko makšua .
Yksi pieni Tamara-tyttö šanou :
– Tiijättä mitä : rupiemma šyöttämäh tätä kiššua oven alta .Mie heti tuon maituo ta šitä maituo kuan oven alla .Kiššaseni šen näköy i lakkiu .
Täššä kaikki eläjät ruvettih nakramah ta šanottih :
– Bravo !Hiän hyvin kekši .
Ta täštä päiväštä kaikki eläjät alettih šyöttyä kiššua oven kautti .Ken keittuo oven alla kuato , ken maituo , ken vettä .
Nikolaša-poika äšen koko kalan šotki oven alla .A šiitä hiän löysi rappusilta kuollehen hiiren , ta šen kuollehen hiiren niise šuatto työntyä oven alla .
Ta kišša tällä ruuvvalla oli oikein tyytyväini , ta ilosešti murisi oven takana .
Ta niin mänöy koko kuukauši , ta loppujen lopulta tulou inšeneri .
Yksi vanha naini-nuapuri näin hänellä šanou :
– Inšeneri , teijät pitäy puolekši vuuvvekši panna tyrmäh , šentäh kun eihän šua näin kiušata elukkoja .Pitäy ihmisih ta elukkoih käyttäytyö hyvin .A työ jättijä oman kiššasen huoneheh ilman šyömistä ta juomista .Ta še olisi voinun kuolla , još myö emmä olis arvannun kuatua maituo oven alla .Avoi-voi , avakkua ruttoseh ovi ta kaččokkua , mitein teijän kiššaseni voipi .Moušot še on kipie ta venyy kuumiešša teijän šänkyššä .
Inšeneri šanou :
– Mistä kiššašta työ pakajatta ?Työhän tiijättä , jotta kiššoja huoneheššani mie en ole pitän .Kiššoja miula ei ni konšana ole ollun .Mie en ni ketä voinun šalvata omah huoneheh .
Eläjät šanotah :
– Myö mitänä emmä tiijä .Vain tiijämmä , jotta teijän huonehešša koko kuukauven eläy kišša .
Vot inšeneri ruttoseh avuau oven , ta kaikki eläjät ta hiän iče männäh huoneheh .
Ta kaikin nähäh – divanalla rojottau hyväččäini ruškiekarvani kišša .Näyttäy olijan tervehennäköseltä ta vesselältä , ta ei ollenkana še višših ole laihtun .
Inšeneri šanou :
– Mie mitänä en malta .Mistä miun divanalla on tämä ruškiekarvani kišša ?Konša mie läksin , šitä ei ollun .
Nikolaša-poika kačahtuan ikkunah šanou :
– Tuola on tuuletušikkuna auki .Onnakko kišša käveli kattolistua myöten , näki tämän avonaisen tuuletušikkunan i hyppäsi huoneheh .
Inšeneri šanou :
– Mintähpä še šilloin jälelläh ei lähten ?
Tamara-tyttö šanou :
– A myö šitä oikein hyvin šyöttimä , vot še ei ni lähten pois .Šillä täššä miellytti .
Inšeneri šanou :
– Ah , kuin on hyväččäini ta viisaš kiššaseni !Mie šilloin jätän šen täh .
Tamara-tyttö šanou :
– Ei , tämän kiššan mie piätin jättyä ičellä .
Šiih kaikki eläjät hureuhuttih nakramah ta šanottih :
– Niin , tämä kišša kuuluu Tamaralla , šentäh kun Tamara kekši , mitein šitä šyöttyä , ta šillä hiän pelašti šen šurmašta .
Inšeneri šano :
– Oikein .Ta mie omašta puolešta lahjotan lisäkši Tamaralla kymmenen mandariinie , mit mie toin šuvešta .
Ta hiän lahjotti tytöllä kymmenen mandariinie .
Viisaš Tamara
карельский: собственно карельское наречие
Новописьменный севернокарельский
–
–
–
–
–
–
–
–
–
–
–
–
–
–
–
–
–
–
–