Тексты
Вернуться к списку | редактировать | удалить | Создать новый | История изменений | Статистика | ? Помощь
Natalja Gromova. Kindahan oza
Natalja Gromova
Kindahan oza
карельский: ливвиковское наречие
Новописьменный ливвиковский
On
Priäžän piiris vahnu Kindahan kylä , rahvas eletäh sie jo enämbi 500 vuottu .Sanotah , ku ammui enzimäine kylän eläi tuli sinne da nägi kaunehen korgieu kohtan Šuojun joven rannal .Lykkäi häi kindahan muale dai sanoi : “Tänne rodieu Kindahankylä !”Se on čoma tarin .Toizet sanotah , ku kylän nimi tuli lappalazien Kint-sanas (kar .azetuskohtu ), libo kindis (kindas ) -sanas (kar .vuolažu virdu ).
Enne Kindahan kylän rahvas piettih kaksi kirikköpruazniekkua – 9.oraskuudu (nygöi sinäpiän pietäh Voitonpäiviä ) da 21.kylmykuudu .Konzu Priäžäs murendettih kirikkö Vallankumovuksen jälles , Priäžän eläjät käydih sluužbale sih kyläh , kymmene kilometrii dorogua myöte .Myöhembi Kindahan pappi otettih kiini .Nygöi tämän vahnan kirikön kohtan rinnal seizou uuzi Veden’n’an časounu .
Šuojun joven rannal seizou vahnu kaksikerdaine kodi .Toinah enne sit kois oldih suuret huonukset tagapuoles , nygöihäi tyhjy kodi mustoittau hyllättyy yhteseländykodii .Täs ylen ammui eli melliččyniekku perehenke .Heidy repressiiruittih .
Nygöi Kindahan kyliä sanotah juumoran piälinnakse da saneltah vesselii zuakkunoi Kindahan tolkuttomih mužikkoih nähte .Ga tottu sanuo , täl vesseläl kyläl on kauhei histourii .
Kindahan kyläs oli kontsluageri voinan aigua , suomelazet pandih kyläs ymbäri ogakkahastu raudulangua , Maksimovan kois oli vihaniekoin štuabu .Oli äijy kiini otettuu , läs kolmiesadua hengie .
Tänävuon 10.oraskuudu školan opastujat , Priäžän piirin Yhtes-fondu , Pilli-folklourujoukko piettih Kylän histourii persounoinke -ekskursien Kindahan kyliä myöte .Opastujat kuunneltih da kirjutettih yhtes Kindahan da Priäžän rahvahan mustoloi .
Eräs kerdomus oli moine :
Enne voinua tuli Kindahan kyläh Pavluhovan Anni .Häi oli rodinuhes Voulogdan alovehen Lopotovo-kyläh , Annin tuatto oli hyvä ižändy , pereh eli kyllyös .Ga elokseh vuottamattah rodih muutostu .Tuatto ei mennyh ruadamah kolhouzah , algavuttih repressiet .Vahnembat vardoittih tytärdy pahuos , työttih hänen rodn’alluo Karjalah .
Ven’alaine neidine ruadoi keittäjänny meččypaikas , meni miehele , hänen ukko Jermolajevan Konstantin ruadoi traktoristannu Kindahan kyläs .Karjalan heimoveh ei ottanuh vastah neveskiä , ku omahistu .Jygei oli nuoren mučoin oza .
Sen jälles oli Talven voinu , tuli Suuri Ižänmualline voinu .Annin ukko oli frontal , a Anni kahten lapsen kel lähti pagoh omah Lopotovo-kyläh .
Konzu voinu loppih , Konstantin-ukko tuli Voulogdan alovehele oman perehellyö .Vaiku oma randu kučui järilleh .Mies ajoi lapsienke Karjalah , a kohtuine Anni-akku lähti jallai , ku ainavo syöttäi lehmy pidi sežo ottua Karjalah .Häi lehmänke astui Lopotovospäi Oniegan randua myöte Petroskoin linnas siiriči .Kummua on , ga Priäžäh tulduu , hänel kolmen päivän peräs rodih kolmas lapsi .Tämän histourien saneli Annin tytär Malafejevan Zinaida Konstantinovna .Zinaidan perehen histourien da äijän tämänmostu kerdomustu vie saneli meile Priäžän školan opastai Irina Veleslavova .
Paginan jälles oli Mustomiitungu da čuajustola Kindahan kylän uvves yhteiskunnallizes keskukses , Runa-ansambli soitti kandelehel .
Nygöi Priäžän piiris pietäh Kylän oza -projektua , kudai kiinnostuttas nuorižuo .Kindahan kyläl on oma vuitti projektas .
Kindahan oza
карельский: ливвиковское наречие
Новописьменный ливвиковский