Тексты

Вернуться к списку | редактировать | удалить | История изменений | ? Помощь

Hän om meidenke

Корпус: младописьменный подкорпус

Младописьменный вепсский, публицистические тексты

Источник: Valerii Sidorkin, Kodima. № 1, (2019), с. 6

Hän om meidenke
(вепсский)

Männuden voden redukus Karjalan Rahvahaližele kirjištole täudui 185 vot. Sen taguiči kirjištos vedetihe erazvuiččid azjtegoid. Kaikid suremb niišpäi oli keskregionaline tedokonferencii, miččen nimi omKirjišton avaruz’. Lugii. Aig.” Sihe ühtniba erazvuiččiden kirjištoiden ezitajad Piterišpäi, Moskvaspäi, Petrsokoišpäi, Murmanskaspäi, školiden, universitetoiden kirjištoiden pämehed, Karjalan openduz- da kul’turorganizacijoiden radnikad.

Kaikile tuli mel’heKaks’ Kodimadüks’ elooza”- ezituz, miččen tegi Podporožjen kirjišton pämez’ Galina Artemjeva. Se om omištadud sille, kut kirjištos kaitas tetaban vepsläižen kirjutajan da kändajan, lehtmehen da fototegijan, Nikolai Abramovan sädandradoid.
Todeks hänel oli kaks’ kodimad: Ladv-külä Piterin agjas, kus hän sündui, da Petroskoi, kus hän löuzi ičtaze.
Galina Artemjeva sanui, miše Nikolai Abramov nikonz ei unohtand vepsläšt kodiröunad da kaiken tahtoi ülenzoitta ičeze pen’t kodimad. Hän tegi necidä kaikil mahtoil: runoiš, fotokuviš, hänen sebranikan Dmitrii Gridinan fil’moiš.
Pühäsijan hänen täht oli Ladv-külä, kus nügüd’-ki eläb hänen mamoi Maria Aleksejevna, kus om Nikolajan tatoin kaum. Sille hän ajoi kaiken aigan, miše udes oleskelda kodiš, abutada mamale, vastatas külänikoidenke.
Petroskoiš Nikolai Abramov tegihe sureks ičeladuižeks kirjutajaks. Neciš hänele abutiba vepsläižed aktivistad Svetlana Pas’ukova, Nina Zaiceva da Zinaida Strogalščikova, Karjalan kirjutai Marat Tarasov, runoilii Oleg Mošnikov.
Nikolai Abramovan runokogomused paindihePeriodika-paindištos, – sanub Galina Artemjeva. Estinmas, Vengrias da Francias, kätihe suomen, norvegian da ročin kelihe”.
Iče Nikolai kändi vepsän kel’he äjiden mirun da Venäman tetabiden avtoroiden runotust. Heiden keskes oma Šekspir, Tagora, Puškin, Jesenin, Kl’ujev, Roždestvenskii, Jevtušenko, Rubcov da toižed.
Nikolajan kirjoid ezitadihe Estonias da Vengrias, hän oli äjiden rahvazkeskeižiden literaturiden konferencijoiden ühtnikan. Hän om Karjalan rahvahaline kirjutai da kul’turan arvostadud radnik.
Elon lopus Nikolai radoi bibliografan Karjalan rahvahaližes kirjištos.
Päiväs edel ičeze jubilejad Nikolai läksi elospäi. Galina Anatoljevna sanui, miše sil vodel nel’l’kümččile Podporožjen kirjištos vedetihe mušteht, kuna kerazihe Nikolajan sebranikad, heimolaižed, ühtradnikad Piterin agjaspäi da Karjalaspäi, täs-žo avaitihe erazvuiččid ozutelusid. Vodes päliči kirjištos vedetihe ezmäine konferencii Nikolai Abramovan muštoks.
Sil-žo vodel, Nikolai Abramovan sündundpäivän, Podporožjen kirjištos mäni ezmäine runotusen lugijoiden festival’. Openikad da norišt Karjalaspäi, Vologdan da Piterin agjaspäi lugiba Nikolajan runoid da kändmižid. Gul’a Polivanova kirjuti necikš päiväks runon, miččen nimi omHän eläb meiden keskes”. Nügüd’ festivalil om mugoine-žo nimi.
Toine konferencii linneb 24. vilukud 2019. vodel. Möst sigä voib kundelta ezitusid runoilijan sädandrados, muštlotesid hänen polhe da hänen runoid.