Тексты
Вернуться к списку | редактировать | удалить | Создать новый | История изменений | Статистика | ? Помощь
Eläb vezi
Eläb vezi
вепсский
Младописьменный вепсский
(tofalaran rahvahan
sarn )
Nece oli lujas amu , konz kuzen da pedajan neglad völ tegihe pakuižikš da tal’veks lanksiba maha . Mäni üks’ mez’ mectusele .Edahan mäni .Nimitte mecnik völ ei olend sigä .Homaiči hän son , da mugoine sur’ oli so , kus živat ei olend kävelnu , lind ei olend lendnu .Mecnik meleti : ”A mitte ma om son taga ?”.Muga hän tahtoi tedištada necidä , miše joksten hüppähti üliči sos .Son taga mez’ nägišti : mugoine-žo ma om kuti kodiš , mugoine-žo hein da pud .”Tühjas minä hüppähtin tänna !” – meleti mez’ da äkkid čududelihe muga , miše sun avaiži . Seižuba pöudol jänišad saduloitud kuti hebod .Sil-žo aigal man alpäi , uruišpäi lähteškanziba pened ristitud jänišiden korččed .
– Ken tö olet ? – küzui mecnik .
– Mö olem igähižed mehed , – sanuiba pened ristituižed , – mö pezemoiš eläbal vedel , sikš nikonz em kolgoi . A ken sinä oled ?
– Minä olen mecnik .
Kaikid vanhemb vaugedpäine mez’ läksi edehe da sanui :
– Kuspäi-se tuli meiden male sur’ da varukaz mecživat .Abutad-ik sinä meile neciš gor’as ?
– A mikš ei abutada ! – sanui mecnik i läksi ecmaha sur’t mecživatad .
Mäni da nägišti nädan jäl’gid .Ei voind mecnik mugošt satust kadotada .Mecnik varjoiči nädan , rikoi sen da läksi ecmaha edeleze .Kaiked madme käveli , no nimiččid živatoid ei löudand .
Pördihe mecnik penidenno ristituidennoks da sanui :
– Minä en löudand sur’t mecživatad .
A igähižed mehed nägištiba riktud nädan da kidastaškanziba :
– Nece om-ki meiden paha živat !Ka , nece om !Käbälad oma lihavad , künded oma teravad .
A kaikid vahhemb mez’ sanui :
– Mö kitäm sindai , mecnik !Tulem adivoihe da tom sinei eläbad vet .
Mecnik hüppähti tagaze üliči sos , pördihe hän ičeze kodiröunale .Zavodi hän varastada adivoid , igähižid mehid .A hö nikut ei tulgoi da ei tulgoi .
Tuli tal’v .Kerdan läksiba naižed mecha čapmaha haugoid .Homaičiba , miše jokseba pened jänišad , da muga äi niid om .Kacuhtiba naižed paremba da nägištiba , miše jänišiden sel’gil ištuba pened mehed da pidäba astjaižed käziš .Nenile naižile ilo tegihe da zavodiba hö nagrda :
– Kackat , kackat , miččed živatad heil oma !Iče-ki hö oma lujas pened !
Igähižed mehed abidihe .Hö viškaižiba eläbäd vet puiden päle – kedrale , kuzele da pedajale da pördihe ičeze male , son taga .Ei olgoi sanuded ristitud eläbäd vet .A kedr , kuz’ , pedai sil aigalpäi kaiken aigan seižuba vihandad .Eläb vezi om sihe sü .
Eläb vezi
вепсский
Младописьменный вепсский
–
–
–
–
–