Тексты

Вернуться к списку | редактировать | удалить | История изменений | ? Помощь

Hüvä ozutez norištole

Корпус: младописьменный подкорпус

Младописьменный вепсский, публицистические тексты

Источник: Darja Švecova, Kodima. № 12, (2019), с. 6

Hüvä ozutez norištole
(вепсский)

Tal’vkun 12. päiväl Svetlana Gotič, Kalagen školan da päivkodin pämez’, praznuiči 45-voččen jubilejan. Necil päiväl kaik läheližed ristitud, heimolaižed, kollegad, školan openikad da külän eläjad ozateliba händast sündundpäivänke.

Nügüd’ tuli mugoine aig, konz äjad nored mehed ajaba elämaha külišpäi surihe lidnoihe. Vaiše erased pördihe tagaze da radaba kodiküliš. Svetlana Gotič om hüvä ozutez norištole, kut pidab armastada kodiröunad, ičeze rahvast da kel’t. Svetlana Gotič, enzne Kikinčuk, laps’aigaspäi eli vepsläižes Šoutjärv’-posadas. Sigä lopi školan da päzui opendamhas Petroskoin universitetha Baltianmeren-suomalaižiden keliden tedokundale. Universitetas Svetlana äjan tedišti suomalaiž-ugrilaižiden rahvahiden polhe, hüvin openzi vepsän kel’t da sai tedoid, miše sid’ opeta lapsid školas.
Universitetan jäl’ghe ristitun elos avaidase äi verajid da sijoid, kus hän voiži ozutada ičtaze da hüvin rata. Ende oli aig, konz norid ristituid oigetihe radmaha toižihe lidnoihe vai külihe universitetan jäl’ghe. Svetlanan elo-oza oli tulda radmaha vepsläižehe Kalag’-posadaha, mitte seižub Änižröunas, ei edahan Svetlanan kodiküläspäi.
Ezmäi Svetlana openzi lapsid vepsän kel’he da vedi literaturan urokoid. Lapsed navediba hänen urokoid, navediba väta da opeta vepsläižid sanoid. Svetlana Gotič kaiken sanub, miše tärktemb azj vepsän kelen opendajan radosopeta lapsid armastada kodikel’t, antta openikoile hüväd mel’t da ilod. Vaiše muga lapsed iče tahtoiba opeta vepsän kel’t, tedištada midä-se ut kodiküläs da rahvahan kul’turas.
Nügüd’ Svetlana Gotič om Kalagen školan da päivkodin pämez’. Nece om lujas vastusenpidäi da tärged rad, mittušt Svetlana tegeb surel armastusel da tahtol. Neniš voziš Kalagen škol tegihe külän keskuseks, kus keradasoiš ristitud, pidetas azjtegoid lapsiden da külän eläjiden täht, vastatas adivoid toižiš agjoišpäi da maišpäi. Ozutesikš, kerdan kahtes vodes ristitud erazvuiččiš tahoišpäi ajeleba KalageheVepsläine sarn-festivalile. Täl vodel Svetlana Gotič, kut Kalagen školan emäg, möst vastsi adivoid Karjalaspäi, Vologdan da Piterin agjoišpäi. Nece maha da pagižmaha vepsän kelel. Nadežda Anatoljevna om südäimeline, laskav opendai. Hän navedib lapsid, kaiken el’gendab heid. Hot’ opeta lapsid vepsän kel’he ei ole kebn azj, nimittušt tošt radod hän ei tahtoi. 22 tal’vkud Nadežda Anatoljevna praznuičeb čomad jubilejad. Kodima-lehtesen radnikad ozateleba händast i toivotaba tervhut, korktad ozad, armastust i hüväd mel’t! azjtego om lujas tarbhaine vepsläižiden täht, ved’ sil lapsed voiba ozutada ičeze vepsän kelen mahtoid, pagišta toine toiženke da ezineda scenal. Kut sanub iče Svetlana Gotič, ”Vepsläine sarn-festival’ tuli Kalagen školanbrendaks”, mitte abutab ühtenzoitta vepsläižid i tugeta vepsän kelen da kul’turan kaičendad.
Svetlana Gotič pidäb hol’t ičeze školas, sen opendajiš da kaikiš openikoiš. Kaik hänen rad om omištadud sihe, miše heraštoitta lapsil armastust kodikel’he da libutada tahtod opeta sidä edemba-ki. Voib olda, se tuleb kenen-se eloradoks, a ken-se openikoišpäi tahtoiškandeb pörttas kodikülähä da rata sen hüvüdeks, kut konz-se muga tegi iče Svetlana Gotič.