Тексты
Вернуться к списку | редактировать | удалить | Создать новый | История изменений | Статистика | ? Помощь
Pakaine ja jäniš
Pakaine ja jäniš
вепсский
Младописьменный вепсский
(Venälaine
sarn )
Kerdan vastsihe mecas Pakaine da jäniš . Pakaine zavodi bahvalidas :
– Minä olen kaikid vägevamb mecas .Jogahišt vägestan , kül’menzoitan , jäpurahaks tegen .
– Ala kitte , Pakaine , ed vägesta ! – sanub jäniš .
– Ei , vägestan !
– Ed vägesta ! – kaik -se jäniš sanub .
Ridlihe hö , ridlihe .I tahtoiškanzi Pakaine kül’menzoitta jänišad .Pakaine sanub :
– Iškkam kehl , jänišaine , miše vägestan sindai !
– Hüvä , – hökkähti jäniš .
Pakaine tartui radho , zavodi hän jänišad kül’menzoitta .Vilud hänehe oigenzi , kül’mäl tulleil punoti .A jänišaine jokseškanzi da hüppiškanzi , mi väged oli .Jokstes-se ei ole vilu .Jänišaine turub luntme da pagižeb :
– Jänišale om läm’ !Päiväine hoštab , jänišad lämbitab !
Pakaine surduškanzi , meletab : ”Mitte vägekaz om jäniš !”.A iče käreganzi lujemba , mugošt vilud oigenzi , miše kor’ puiš puhkeni , kandod räzäidaškanziba .A jänišale om üks’kaik !Hän se mägele libub , se mägelpäi kukirikku laskese , se pigašti nitudme jokseleb .
Lopuks Pakaine lujas surdui , a jänišaine ei meletaki kül’mda .
Lopi Pakaine ičeze radon , sanub jänišale :
– Jose sindai , jänišaine , kül’menzoitta voib – oled sinä lujas čopak !
Pakaine lahjoiči jänišale vauktan pövun .Siš aigaspäi tal’vel kaik jänišad kävuba vauktoiš pövuiš .
Pakaine ja jäniš
вепсский
Младописьменный вепсский
–
–
–
–