Тексты
Вернуться к списку | редактировать | удалить | Создать новый | История изменений | Статистика | ? Помощь
Matti Pirhonen. Räkäččy harakka
Matti Pirhonen
Räkäččy harakka
карельский: собственно карельское наречие
Новописьменный севернокарельский
Olipa kerran
harakka .Ulkonävöltäh še oli aivan šamanmoini kuin muutki harakat : pitkä häntä , tylčät šiivet ta šuuri n’okka .Še oli aina iäneššä ta pakasi äijän olovista ta vielä enämmän olomattomista aseistaki .Še aina lupasi ruatua mitänih tärkietä ta uutta , vain vähän ajan piäštä unohti lupaukšeh .
– Nyt mie meinuan luatie ičelläni oikein kaaunehen ta lämpimän pešän , harakka kehahti kerran nuapurillah . – Šeinät rakennan pa-akšušta rišušta , lattiella kuvon kaaunehet kirjavat matot . Šemmoista pešyä ei ole vielä yhelläkänä harakalla .
Harakka niin ihaštu šunnitelmihis , jotta aštietki jätti pešömättä ta läksi lentelömäh pešältä pešällä .
– Meinuan luatie ičelläni oikein ka-aunehen ta lämpimän pešän , še räkätti nuapuriloillah ta kerto tarkkaseh mimmoni šiitä pešäštä tulou .
– Onnekši olkoh , onnekši olkoh , nuapuriharakat toivotettih hänellä mäneššyštä ta iče ihmeteltih keškenäh :
– Onpa šiinä tarmokaš harakka ! Tuommosen pešän rakentau ičelläh .
Vain eipä šiitä pešäštä mitänä tullun , šentäh kun tämä harakka ei ollun pieneštä šuaten tottun mitänä työtä ruatamah .Kieltäh še kyllä šuatto piekšyä .Yritti še rakentuaki , vain ihan alušša jo kylläšty šiih työh ta jätti kešen koko homman .
Vähäsen ajan piäštä harakalla pällähti piäh uuši ajatuš .Še tuaš läksi lentelömäh pešäštä toiseh ta räkätti kaikkien kuullen :
– Mie ajattelen ommella ičelläni še-emmosen turkin , jotta šiinä ei tule kylmä talvipakkasellaki .Šilloinhan miula šemmosešša turkissa ei ni tarviče pešyä .
Ta harrakka tuaš tarkkah toimitti kaikilla nuapuriloillah mimmoni šiitä turkista piti tulla .
– Hyvähän še šemmoni turkki olis , tuaš myönnyttih nuapurit .
– Kun vain še turkki tulis valmehekši , epyäli eräš .
– Miekö en šua šitä valmehekši ? kokonah kiivaštu harakka .– Mie olen šemmoni harakka , jotta šuatan luatie kaikkie mitä vain tahon .
Vain ei tullun tolkkuo šiitä turkistaki , eihän harakalla riittän käršivällisyttä lopettua šeki työ .Hiän kerkisi vain hankkie nipun pukin karvua ta šiih šiitä tuaš jätti koko turkkihommah .
Harakka oli niin ihaštun iččeheš , jotta ei huomannun mitein nuapuripešissä alettih nakrua häntä , avošuuta .Še vain lenteli päivät piäštäh ta aina oli iäneššä .
Erähän kerran še lentyä liepšahti vanhan variksen pešällä ta alko tuaš kehuo :
– Nyt mie piätin luatie ičelläni kevyäkši komiet kenkät .Niistä tulouki šemmoset šolkikenkät , kumpasissa on no-oin korkiet kannat , eikä šemmosie kenkie toisilla harakoilla ole ijäššäh ollun .
– Lopeta tuo kerškumiseš , vanha varis ärähti . – Aina šie vain meinuat , ajattelet ta piätät , vain et šua valmehekši mitänä . Olis parempi , još pitäsit pešäš šiivošša etkä lentelis tyhjie höpisömäššä .
Harakka enšin ällisty , vain šiitä šiänty tuommosešta šuorašta pakinašta .Šehän piti iččieh tuhattaiturina .Vain nyt tuo vanha varis šanoki , jottei še konšana ollun šuanun mitänä aikah .Harakka heilahutti vihasešti pitkyä häntyäh ta liehahti lentoh hyväštelömättä varista .
– Kehu vähemmän ta rua enämmän , kuuli še männeššäh vanhan variksen rämisövän .
Räkäččy harakka
карельский: собственно карельское наречие
Новописьменный севернокарельский
–
–
–