Тексты

Вернуться к списку | редактировать | удалить | История изменений | ? Помощь

Hauki

Корпус: младописьменный подкорпус

Младописьменный севернокарельский, тексты для детей

Источник: Kiänti Valentina Karakina, Oma mua. № 3, (2020), с. 11

Hauki
(карельский: собственно карельское наречие)

LEGENDA

Jumala aikoinah loi hauvin pienekši ja tyhjäpäisekši kalakši.
Hauki ei tyytyn ošahaš, vain nousi rannalla ta läksi eččimäh ihmisen ranta-aitašta ičelläh täyvennyštä.
Enšin še löysi aitašta vanhan rissin ta ašetti šen piähäššentäh hauvilla on nyt risti piäššä. Huomasi haravan ta šiitä še luati ičelläh terävät, piikikkähät hampahat.
Šiitä aitan nurkašta puurnušta löyty rukehen jyvie, hauki šöi ne ta šai ičelläh lisyä kokuo. Nyt hauvista jo kašvo šuuri kala. Oša jyvistä tarttu šen makšah, niin jotta šiitä šuaten hauvin makša näyttäy šemmoselta, kuin še ois luajittu turpunehista rukehen jyvistä.
Šieppasi hauki aitan orrelta oikein täplikkähän mekon. Mekko muuttu vähäsen ajan piäštä nahkakšita ihan šiitä šuaten on hauvilla niin täplikäš puku piällä.