Тексты
Вернуться к списку | редактировать | удалить | Создать новый | История изменений | Статистика | ? Помощь
Kut näd kävui adivoihe vilulinduidennoks
Kut näd kävui adivoihe vilulinduidennoks
вепсский
Младописьменный вепсский
(Karjalaine
sarn )
Tal’vel mecas om vilu i näl’g . Pidab olda tarkan , miše ei tehtas kenen-ni longikš .
Näd lujas tahtoi tabata i söda vilulindud .Vaiše se nikut ei voind tulda lähemba vilulindunnoks .
Oksidme , barboidme näd hilläšti ličese .Vilulindud ištuba , ičeze azjoiden polhe midä-se čičitaba , kaikihe polihe kacuba .Vaiše midä-se homaičeba – sid’-žo purahtaba oksalpäi i toižehe puhu lendaba .
Hätken näd meleti , kutžo manitada linduid .Lopuks , tuli pähä idei .
– Mikš tö , sebranikad , mindai et kuckoi adivoihe ? – sanub näd vilulinduile . – Ühtes mecas eläm , a toine tošt verastam . Mecživatoile pidab eläda kožmuses .
Vilulindud ičeze kesken čičitiba i sanuiba vastha :
– Oiktad oma sinun sanad , näd-sizar’ .Konz kaik ühtes olem – ka i pakaižes om läm’ .Tule mij ale homen adivoihe .
Tegiba lindud lavan barbhoišpäi .Toskeliba jüvid , käbuid , kuivid heinid .Nädale parahiman sij an ladiba – ani sen al om übuz , miččespäi puru mäneb , lämäd andab .
– Nece om meiden päč , – sanuiba vilulindud . – Kovas pakaižes mö sid’ lämbitelemoiš .
Näd ištub , heinäd pureskeleb i meletab , kut-žo tabata vilulindud ?
”Edahan ištun , en voi käbälal sada , – meletab , – pidab hüpta ”.
Zavodi näd vaumitas hüpkehe , vaiše tagakäbälil rehkihe , lava sen al katkaižihe-ki .
Vilulindud ei olgoi meletomad , ned hüvin teziba ičeze adivon tabad , sikš , lavan al , ištutiba varjoičij ad .Kut vaiše varjoičii-vilulind homaiči , miše näd tahtoib hüpta , hän nökul nütki barbaižes .
Vilulindud ülähäks oksale lendiba , a näd alahaks übusehe lanksi , ani sihe reiguhu , miččespäi puru mäni .
A lendi se puru kondjan pezaspäi .Kondi sigä magazi .Senke näd vastsihe-ki .Mitte besed niil oli – niken ei teda .
I kut näd läksi sigäpäi – mugažo niken ei nägend .
Vaiše se enamb ei mecadand vilulinduid .
Kut näd kävui adivoihe vilulinduidennoks
вепсский
Младописьменный вепсский
–