Тексты
Вернуться к списку | редактировать | удалить | Создать новый | История изменений | Статистика | ? Помощь
Švecova Darja . Ümbrišton ministroiden vastuz
Švecova Darja
Ümbrišton ministroiden vastuz
вепсский
Младописьменный вепсский
Londuz
nece om meiden kodi .Mec , vezi , ma – kaik nece om meiden ümbrišt , mittušt nügüd’ pidab kaita .Ilʼmišton vajehtuz , murdod , kividen da toižiden man tarbhaižiden kaivatesiden samine lujas painastaba Man ümbrišton oloihe da meiden eloho tulij as aigas .Maiden pämehed , tedomehed da radnikad ühtenzoitaba vägid , miše ühtes meletada ümbrišton oloiš .Sen täht kaikjal om tehtud ičeze nevondištod da radgruppad , miččed napriba pätta problemoid da abutada ristituile kaita londusen kal’hut .
Igähižed rahvahad kaiken igän eliba kožmuses londusenke , sikš hö tedaba , mikš om tärged abutada kaita sidä .Koume igähišt rahvast : vepsläižed , saamelaižed da nencad – voiba ühtneda Barenсan Evro - Arktižen nevondišton tarbhaižiden küzundoiden pätandaha , sanuda ičeze mel’pidod radgruppoiden vastusil .Heil om ani tärged sij a Ümbrišton radgruppaski .Gruppan ühtnikad kaiken kuleba , mitte mel’pido om igähižil rahvahil , midä hö voiba sanuda da nevoda , a igähižed rahvahad mugoižil vastusil enamba tedištaba ičeze oiktusiden polhe .
4.-5. vilukud Švecias , Luleo-lidnas , oli tehtud tärged azjtego .Nenil päivil mäni Barencan regionan Ümbrišton ministroiden vastuz .Vastusele tuliba ministrad nelläs maspäi – Šveciaspäi , Suomespäi , Norvegiaspäi da Venämalpäi .Venäman polespäi tuliba Ümbrišton ministrad Petroskoišpäi , Arhangel’skaspäi , Murmanskaspäi da Moskvaspäi .Täl vodel vepsläižil oli voimuz olda necil vastusel .Minä , necen kirjutesen tegii , olin sil Barencan regionan Igähižiden rahvahiden ezitajan .Olen korktad mel’t ezineda vepsän rahvast mugoižel sur’znamasižel vastusel .
Täl vodel Ümbrišton radgruppan päohjandajaks tegihe Suomi .Švecian Ümbrišton ministerstvan ezitajad andoiba necidä tärktan radsij an suomalaižile ühtesradnikoile da toivotiba heile uzid satusid neciš jügedas rados .Suomi , kut uz’ radgruppan ohjandai , starinoiči kaikile ičeze planoiš kahteks vodeks .
Om hüvä , miše igähižil rahvahil om voimuz ühtneda Barencan Evro-Arktižen nevondišton radho .Vaiše ühthižrad voib abutada pätta surid problemoid da paremboita ümbrišton kaičendad .
Ministroiden vastusen ühtnikad starinoičiba ičeze projektoiš , miččed om jo tehtud heiden maiš .Kaks’ päiväd vastusen ühtnikad radoiba da pagižiba azjoiš , miččed oma ani tärktad kaikiden rahvahiden da kaiken mail’man täht .
Ümbrišton ministroiden vastuz
вепсский
Младописьменный вепсский