Тексты
Вернуться к списку | редактировать | удалить | Создать новый | История изменений | Статистика | ? Помощь
Jelena Timbajeva. Kut Toižeges tal’ved kaimatihe
Jelena Timbajeva
Kut Toižeges tal’ved kaimatihe
вепсский
Младописьменный вепсский
Om
mugoine vero – ku ristit hubin mänetab Maidnedalid , tusttub , ka kaiken voden linneb ozatoman .Maidnedalin ilo toivotab hüvüt , ozad , satusid kaikiš azjoiš .Sikš mö kaiken naprim necil čomal praznikal hüvin iloiteldas , söda kürzid külläks i sötta toižid .
Nece hüvä tradicii – praznuita Maidnedalid , sündui Toižeges seičeme vot tagaze .Kaikuččen voden praznikale keradase äi rahvast .Lapsiden i aigvoččiden täht om äi konkursoid , vändoid .
Naku necil-ki vodel vanhan tradicij an mödhe mö tegim praznikan lapsiden tandrehel pedajištonno .Mijale tuliba adivod Kalagespäi i Šoutjärvespäi .Mö ühtes vedim horovodoid , vändim .Praznikan adivod hüviš meliš ühtniba melentartuižihe konkursoihe .Oli äi ilod i komedad nagrandad .Mö hüvin kaimzim tal’ved i vastsim kevät .Kaik , ked tuliba praznikale , voiba lämbiteldas palabal čajul kürzidenke .Praznikan lopus polttihe pöl’götim .A ühtes senke lämoiš paloiba kaik ridad , bedad i pahuz’ .
Tahtoim spasiboita kaikid , ked abutiba tehta mugoman čoman praznikan : Jelena Košelevad , Oksana Bogdanovad , Irina Jevsejevad .Eriži kitäm lapsid , ilma heita praznik ei olnuiži mugoman ilokahan .A kürzid paštoim , voib sanuda , kogonaižel posadal !Mö kaiken olem ihastusiš nähta adivoid meiden posadas , tulgat mij ale völ !
Kut Toižeges tal’ved kaimatihe
вепсский
Младописьменный вепсский