Тексты
Вернуться к списку | редактировать | удалить | Создать новый | История изменений | Статистика | ? Помощь
Valeria Sotnikova. Voin minun heimon istorijas
Valeria Sotnikova
Voin minun heimon istorijas
вепсский
Младописьменный вепсский
Kaikuččele ristitule
om tärged teta , ken hän om , kenen oliba heiden ezitatad .Ristit lähteb elospäi , no mušt hänen polhe eläb südäimiš ...Meiden pätegend om kaita necidä muštod i antta se toižile sugupol’vile .
Minei kaiken oli mel’he minun kanzan istorii .Ičeze ezitatoiš , kudambad ühtniba Surehe voinaha , minei starinoičiba minun dedoi da toižed heimolaižed .Tahtoin jagadas nenil starinoil prapradedas Aleksandr MatveAleksandr Matvejevič Mironov P’otr Matvejevič Mironov jevič Mironovan polhe i hänen P’otr-vellen polhe teidenke .Molembad hö oliba Suren voinan ühtnikoin i pördihe kodihe .
Aleksandr Matvejevič i P’otr Matvejevič Mironovad sünduiba vepsläižehe kanzaha Toižeg-külähä .Hö kazvoiba sures kanzas .Heiden vanhembad oliba Anastasia Ivanovna i Matvei Nikolajevič Mironovad .Heil oli seičeme last : Aleksandr , Anna , Grigorii , Sem’on , P’otr , Kuz’ma , Pavel .
Aleksandr Matvejevič oli vanhemban vellen kanzas .Hän sündui vodel 1902.Aleksandr nai vodel 1924 L’ubov’ Abramovna Medvedeval .Konz zavodihe voin , hänele oli 34 vot .Siloi hänel oli jo viž last : koume poigad : Leonid (1926 v .), Jevgenii (1929 v .), Valerii (1939 v .) da kaks’ tütärt : Ol’ga (1932 v .) da Maria (1936 v .).
Aleksandr Matvejevič mäni läbi kaikes voinas i pördihe kodihe .Voinan aigan kaks’ kerdad oli ranitud .Händast pauklahjoitihe videl medalil : ühtnendas Surehe voinaha , Berlinan otandas , rohktudes vodel 1944, vägestuses Germanian päl , Pragan päzutandas .Mugažo hän sai Rusttan tähthan ordenan .
Jäl’ges voinad pradedoi radoi Onežskijas rudoupravlenijas .Vodel 1960 hän sai arvostadud sauvojan nimen .Koli , konz hänele oli 64 vot .
Hänen vel’l’ P’otr Matvejevič sündui vodel 1915.Ezmäi hän vojui finnoiden aigan .Jäl’ges pördihe kodihe , no ei hätkeks .Zavodihe Sur’ voin .23.elokud vodel 1941 sai povestkan . Ezmäi vojui Karjalan frontal .Jäl’ges oli oigetud Moskvaha , kus oli tehtud suks’batal’on .Käveltihe razvedkaha .P’otr Matvejevič lopi voinan Kenigsbergas oldes vanhemban leitenantan .Voinas oli ranitud viž kerdad .Händast pauklahjoitihe Rusttan tähthan ordenal i Suren voinan ordenoil ezmäižel i toižel stepenil .Voin tuli lophusai i heid otpravit’he Edahaižehe päivnouzmaha .
Frontaspäi pördihe keväz’kus vodel 1946.Vodel 1947 nai .Hänel sündui nel’l’ last : Vladimir , Valentina , Dmitrii i Antonina .P’otr Matvejevič kaiken igän radoi Onežskijas rudoupravlenijas .Koli vodel 1992.
Toižed heiden koume velled , kudambad mugažo ühtniba voinaha , ei pördnus kodihe .Enamba niiden polhe mö nimidä em tekoi .
Minä lujas ülendamoi ičeze ezitatoil , heiden urohontegoil .Hö igäks jäba minun südäimehe , kut äjad-ki toižed gerojad , kudambad vojuiba vihanikoidenke i lahjoičiba meile mirud .
Voin minun heimon istorijas
вепсский
Младописьменный вепсский