Тексты

Вернуться к просмотру | Вернуться к списку

Kut gol'l' vel'l' bohattui

История изменений

26 июня 2020 в 14:53 Нина Шибанова

  • создал(а) текст
  • создал(а) текст: (vepsän rahvahan sarn) Ende oli kaks’ velled. Üks’ eli bohatas, a toine gol’l’as. Nece gol’l’ vel’l’ radoi bohatal vellel, da kaik-se jüged oli. Kerdan car’ käski, miše praznikan aigan kaikuččel mehel oliži käbu kädes. Nece gol’l’ vel’l’ mäni mecha, kerazi kuzižid käbuid da läksi lidnaha niid möskendamha. Ezmäks möskenzi käbun kahteskümnes kopeikas. A konz hänel zavottihe otta lujas äi käbuid, siloi vel’l’ möskendaškanzi poutinikas. Kaik käbud möi, dengoid sai, bohattui. Pördihe hän külähä da tuli ičeze vellennoks. Se küzüb-ki: – Kut bohattuid, vel’l’? – Ka käbuid lidnaha vöin da möin. Bohatale vellele zavid tegihe. Meleti, meleti – kerazi käbuid mecas da läksi lidnaha möskendamha. Hänel niken käbuid ei ostand. Muga tuli-ki kodihe niminke.