Тексты
Вернуться к списку | редактировать | удалить | Создать новый | История изменений | Статистика | ? Помощь
Irina Sotnikova. Karjalan čomuz’ runoiš
Irina Sotnikova
Karjalan čomuz’ runoiš
вепсский
Младописьменный вепсский
27. semendkud
, Kaikenvenäman kirjištoiden päivän , mäni karjalaižen runotusen praznik ”Lidnas P .”, mitte oli omištadud 100-voččeks Karjalan jubilejaks .Praznikan sädajin oliba Karjalan valdkundan Kirjišton associacii i kirjištod erazvuiččiš Petroskoin lidnanlaptoišpäi .Vepsän kul’tursebr mugažo ühtni neche online-marafonaha .
Karjalas om äi runoilij oid , kudambad kirjutaba runoid erazvuiččil rahvahaližil kelil : karjalan , vepsän , suomen , venän kelil i toižiden rahvahiden kelil .Erased runoilij ad oma tetabad kaikes Karjalas , a ken-se vaiše zavodib kirjutada runoid vai muite navedib lugeda runoid , no kaikid niid ühtenzoitab sur’ armastuz čomaha Karjalaha .Runotusen marafon ühtenzoiti eri-igäižid runoilijoid oid , literaturkluboiden ühtnikoid Petroskoišpäi , Oloncaspäi , Kondopogaspäi .
Runoid vepsän kelel lugiba Vepsän kul’tursebran ühtnikad – Rahvahaližen redakcij an radiokorrespondent , ”Kodima ”-lehtesen toimitai Darja Švecova da Karjalan Rahvahaližen teatran aktrisa Aleksandra Aniskina .Molembad marafonan ühtnikad oma vepsläižed .Hö navediba ičeze kodikel’t i lujas holduba vepsän rahvahan kelen i kul’turan kaičendas da kehitoitandas .Neiččed lugiba Alevtina Andrejevan runoid , miččed starinoičeba Karjalas , sen čomas londuses , armhas Änižes ...
Runotusen marafon lopihe ”Randaine ”-sebran ezitusel i toi hüväd mel’t kaikile kacujile .Mö nadeimoiš , miše se tegese hüväks tradicij aks meiden Karjalas !
Karjalan čomuz’ runoiš
вепсский
Младописьменный вепсский