Тексты
Вернуться к списку | редактировать | удалить | Создать новый | История изменений | Статистика | ? Помощь
A. Bojarinova. Tämä oli toži
A. Bojarinova
Tämä oli toži
карельский: собственно карельское наречие
Новописьменный тверской
Tahon
šanuo omua mieldä muamon kielen unahtomizeh näh .Nikellä ei šua unahtua omua kieldä .Že , min šanelen mie täššä , ylen äijäldi pohodiu šuarnah .Vain že oli toži , uškokkua .
Yheššä pereheššä tuatto da muamo työnnettih poijan mieroh ruadamah , dengua šuamah .Pereh eli keyhäldi .Viizi vuotta oli poiga mierošša .Kodih tuli ni šanua ei malta omah kieleh šanuo .Šanou : ”Nimidä en muissa .”Muamolla lieni gor’a .Rubei hiän itkömäh : ”Kuinbua , poigane , rubiemma šiunke pagizomah ?”Šyömäh kuččuu , šuuh ožuttau .
Tuatto lämmitti poijalla kylyn .Lähettih kylyh kylbimäh .”Istuoče , poiga , palatilla , mie luon löylyö ” – šanou tuatto . Kerran loi , toizen loi da vielä i kolmannen kerran viškai .Poiga möngähti palatilla šuurella iänellä karielakši :
”Midä , tuatto , šie šielä ruat , miulda jo korvat palettih !”Kočahti palatilda da hyppiämäh alašti pihalla .
Tuatolla šidä vain i pidi , nagramah rubei : ”Midä , poigazeni , oma kyly oman kielen ando ?”
Tulou poiga kylyštä kodih , kyžyy muamolda : ”On go , muamo , miula korvat piäššä ?”Muamo rubei voivottamah .Ei hiän uššo , što poiga on terveh , muissutti oman kielen .Nyt hänenke voit paissa omah rukah .Hotʼ kymmenen vuotta voit olla muuvualla , a oma kieli nikonža ei unahtuače .
Tämä oli toži
карельский: собственно карельское наречие
Новописьменный тверской
”