Тексты

Вернуться к просмотру | Вернуться к списку

Oma elämä

История изменений

20 сентября 2021 в 12:41 Нина Шибанова

• создал(а) текст
• создал(а) текст: Oli lašta Jyrillä, Oli niitä kymmenen, Naini hänen Lukerie Täššä oli voimakaš. Šynty lapši viimeni, Toivo pantih nimekši. “Toivoh pitäy toivuol’l’a”, Aina naiset nakrettih. Piti Jyrki poroja, Oli monta kymmentä, Mutta tultih “ottajat” – Kaikki vietih pihašta. Elä ruohi virkata, Šuuta vaštah avata! Heti šelkäh annetah – Jouvut, poika, USLONah. Puavo, Jyrin kaveri, Ei vain antan eloja, Vietih Puavo šammaleh, Šielä mieš ni ammuttih. Alko toini elämä, Kaikin tultih kolhosih. Ruatah hyö nyt joukolla, Tienatah “työpäivijä”. Ei ole hätyä lehmälla Lämpimäššä liäväššä – Meijän miehet pärjätäh Vaikka joka paikašša. Mutta nälkyä šemmoista Eipä kuullun ikineh, Kuoritettih petäjyä, Šiitä jauhuo myllättih. Tovellini pöläššyš: “Millä šyöttyä lapšija?” Naiset-raukat poltettih Kaikki omat voimaset. Šiitä šota ryjähti, Jyrki kato kauhiešša. Niin kuin kaikki kaverit Toivo työššä kašvahtu – Rupei kalamiehekši, Tuli omah kolhosih. Laitoš oli voimakaš Työššä monta ihmistä: Stahvei-ukko alotti, Ehla-ukko jatkeli. Kalua äijän pyyvvettih, Šeiso šuorah kolhosi – Ehla-ukon aikana Piäsi miljoneriksi. Tuotih uuvvet mouttorit, Pyyvvykšijä oššettih. Apuh uuvvet traktorit – Voit jo tietä rakentua. Toivo oli kalamieš, Äijän kalua pyyteli, Täytti kaikki tehtävät, Pereh oli kunnošša. Konša kuulet tämmöistä, Mieleh tulou poverkka: “Jyrki jyvi juurija, Toivo työnti tonnija”. Täššä vois ni muhahtua, Još ei ois niin ikävä. Nyt myö aina kiissämmä: “Konša oli parempi?”, Mutta jokahisella Pantu oma elämä.