Тексты
Вернуться к списку | редактировать | удалить | Создать новый | История изменений | Статистика | ? Помощь
Jakovlev Sergei . Iltapakina
Jakovlev Sergei
Iltapakina
карельский: собственно карельское наречие
Новописьменный севернокарельский
Ukko
ta akkani issutah šillalla ,
Mitänih tutkitah myöhäseh illalla .
“Kuin monta vuotta elämmä kahen ,
Kuin äijän ihmistä olemma nähnyn !
Monta kiluo šöimä šuolua ,
Monta kaverie on kuollun .
Lapšet kašvettih ta mäntih ,
Käyväh joškuš kotirantah .
Tuuvvah lahjat , tuuvvah viestie ,
Juuvvah kahvie kiirehešti .
Hypätäh stolašta , männäh kyläh –
Kaverien kera on aika hyvä .
Kotimualla hyvä on , mutta pitäy männä
Šinne , missä pešä on , missä oma ranta .
Muissatko , ukko , kuin olima nuoret ?
Elämä meijän kuin rulla pyöri .
Huomenekšešta ta myöhäh iltah
Töissä ta hommissa aika viuhku .
Oli meilä hyvyä , šamoin oli pahua ,
Näytteliyty köyhä , oli šitäi rahua .
Mutta hyvin lujah emmä ole kiistän –
Riitti meilä aina muuta tutkimista .
Koista juoksin tanšših , šiula oli harppu ,
Konša klubih tulit – miula henkie šalpai .
Enši kerran ševäsit , tahoin karjuo : “Muamo !”
Koko ijän eläsin – vielä tuntuu šamoin .
Mitäpä šie , ukko , issut koko illan ,
Et nimitä virka ?”– “Rakaššan mie šilma… ”
“Ohoh , šanot vielä , ihan iho ruškoi ,
Hyvä tuli mieleh , mäni poikeš tuška !”
Ukko istuu šanatoin , umpeh pani šilmät ,
Aivan rauhallisena šiirty toiseh ilmah .
Iltapakina
карельский: собственно карельское наречие
Новописьменный севернокарельский
“