ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Galina Ol’kina. Simänniemen rahvas

Galina Ol’kina

Simänniemen rahvas

карельский: ливвиковское наречие
Новописьменный ливвиковский
Pieni hieruine joven rannas
Ikkunoil kaččou jogeh päi.

Rahvas hierus sit eletäh,
Endisty aigua mustellah.


Konzu oldih nuores aijas,
Lapsii joukot perehis,
Kazvatettih lapsii, žiivattua piettih,
Dai souhozah ruadoh ehtittih.


Tuli aigu, kazvettih lapset,
Mieroh lähtiettih elämäh.

Vaigu jäimmö buabat da died’oit
Hierun jurii vardoimah.


Olgah mieros tuada parembi,
Omua hieruu lämmembiä
Eule, kogo muailmua eči,
Et lövvä sidä omembua.


Tuli aigu, ruavot loppih,
Žiivattua pidiä meil jugei on.

Emmogo kylvä, emmo niitä,
Laukas maiduo ostammo.


Ven’an kieli Kijevah vedäy,
Sen myö tiijämmö lapsuossah,
Toko vai oman muamankieldy
Emmogo vaihta, ni unohta.