Тексты
Вернуться к просмотру | Вернуться к списку
Iisussa käypi kotilinnašša
История изменений
01 июня 2022 в 15:10 Нина Шибанова
- создал(а) текст
- создал(а) перевод текста
- создал(а) текст: 1Iisussa läksi šieltä ta tuli kotilinnah. Opaššettavat matattih Hänen kera. 2Kun tuli šuovatta, Hiän rupesi opaštamah sinagogašša. Monet kuulijista ihmeteltih ta kyšyttih: «Mistä Tuo ollou šuanun kaiken tämän? Mi ollou tuo Hänellä annettu viisahuš?^ Ta mitä ollah nuo šuuret ruavot, kumpasie Hiän ruatau käsilläh? 3Eikö Hiän ole še kirvešmieš, Muarien poika, Juakon, Josijan, Juutan ta Simonin velli? Tiälä Hänen čikotki eletäh miän joukošša». Ta niin hyö kieltäyvyttih Häneštä. 4Iisussa šano heilä: «Missänä muuvvalla Jumalan viessintuojua ei niin pahekšita kuin omašša kotilinnašša, heimolaisien luona ta omašša koissa». 5Ta Hiän ei voinun ruatua šielä yhtänä šuurta ruatuo, vain muutomie voimattomie Hiän parenti panomalla kiät heijän piällä. 6Iisussa kummekši šitä, jotta ihmiset ei ušottu Häneh.^ Šiitä Hiän kulki kyläštä toiseh ta opašti.