Тексты
Вернуться к просмотру | Вернуться к списку
Iisus da Zevedein poijat
История изменений
20 июля 2022 в 16:44 Нина Шибанова
- создал(а) текст
- создал(а) перевод текста
- создал(а) текст: 35 Zevedein poijat Juakoi da Iivan tuldih Iisusan luo da sanottih: «Opastai, ruatgo sen, midä myö kyzymmö»? 36 «Midäbo tahtozitto, ku minä teile luadizin»?^ kyzyi Iisus. 37 Hyö vastattih: «Konzu Sinä tulet taivahallizes väis da valgies, anna meile istuokseh Sinun rinnale, yhtel – oigiele puolele, toizel – hurale». 38 Iisus sanoi heile: «Työ etto tiijä, midä kyzyttö. Voittogo työ juvva sen mal՚l՚an, kudaman juon minä?^ Voittogo ristiekseh sil ristindäl, kudamal ristitäh minuu»? 39 «Voimmo», vastattih hyö. Sit Iisus sanoi heile: «Sen mal՚l՚an, kudaman minä juon, juotto työgi, sil ristindäl, kudamal minuu ristitäh, ristitäh teidygi. 40 No istuokseh minun oigiele libo hurale puolele – se ei ole minun vallas.^ Se annetah niilöile, kelle se on varustettu». 41 Tämän kuultuu toizet kymmene suututtih Juakoin da Iivanan piäle. 42 No Iisus kučui opastujii da sanoi: «Työ tiijättö: net, kudamii sanotah valdumiehikse, ollah rahvahien herroinnu, i ylimäzet pietäh rahvahii omas vallas. 43 Anna teijän keskes ei ole muga. Ken ku teijän joukos tahtonou olla vahnembannu, se olgah toizien kazakoiččijannu, 44 da ken teijän joukos tahtonou olla enzimäzenny, olgah kaikkien käskyläzenny. 45 Eihäi ni Ristikanzan Poigu tulluh sikse, ku Hänele sluužittas.^ Häi tuli iče sluužimah da andamah oman hengen, ku piästiä äijii välläle».