Тексты

Вернуться к просмотру | Вернуться к списку

Iisussa noušou kuollehista

История изменений

31 августа 2022 в 16:18 Нина Шибанова

• создал(а) текст
• создал(а) перевод текста
• создал(а) текст: ¹Enšimmäisenä päivänä šuovatan jälkeh naiset jo aikaseh huomenekšella otettih hajuvoitiet, mit oli varuššettu, ta lähettih kalmalla.^ Hiän kera tuli eryähie toisieki naisie. ²Hyö nähtih, jotta kalmakotisen šuulla pantu kivi oli vieretetty pois. ³Naiset mäntih šiämeh, ka ei löyvetty Hospoti Iisussan Ruumista. ⁴Kun hyö šitä ihmeteltih, hiän ieššä yhtäkkie šeiso kakši mieštä, kumpasien vuattiet oltih kirkkahan valkiet niin kuin päiväni. ⁵Naiset pöläššyttih ta painettih piät.^ Miehet šanottih heilä: «Mintäh työ ečittä elävyä kuollehien joukošta? ⁶Ei Hiän ole tiälä, Hiän nousi kuollehista. Muistakkua, mitä Hiän pakasi teilä olleššah vielä Galileijašša. ⁷Hiän šano: "Näin käypi: Ihmisen Poika annetah riähkähisillä käsih ta nuaklitah ristih, ta kolmantena päivänä Hiän noušou kuollehista"». ⁸Šilloin hyö muissettih, jotta niin Iisussa oli šanon. ⁹Kalmalta tultuo naiset vietih täštä viesti yhellätoista opaššettavalla ta kaikilla muilla. ¹⁰Ne naiset oltih Magdalan Muarie, Joanna ta Juakon muamo Muarie, ta vielä toisieki oli hiän kera.^ Hyö šanottih apostoliloilla kaiken tämän,| ¹¹ka hiän mieleštä tämä oli ihan naisien kekšintyö, ta hyö ei ušottu. ¹²Kumminki Petri läksi juokšomah kalmakotisen luo.^ Hiän kumartu kaččomah šiämeh, vain ei nähnyn muuta kuin kiärevuattiet.^ Šiitä hiän myöšty kotihih ičekšeh kummekšuon kaikkie tätä.