Тексты
Вернуться к просмотру | Вернуться к списку
Älgiä suudikkua
История изменений
06 сентября 2022 в 11:25 Нина Шибанова
- создал(а) текст
- создал(а) перевод текста
- создал(а) текст: 37 «Älgiä suudikkua, sit teidygi ei suudita. Älgiä pangua viäräkse nikedä, sit teidygi ei panna viäräkse. Prostikkua, sit teidygi prostitah. 38 Annakkua, sit teilegi annetah.^ Tävvel miäräl, ličatul, säräitetyl da kohurikse pannuol miäräl teile annetah. Mittumal miäräl työ miäriättö, moizel teilegi miärätäh». 39 Vie Häi saneli heile arvattavil sanoil: «Voibigo sogei vietellä sogiedu? Molleihäi langetah haudah. 40 Ei opastui ole suurembi opastajua. No konzu häi suau kai opastukset, häi rodieu kui opastai. 41 Kuibo sinä näit toppazen sinun vellen silmäs, a omas silmäs et näi partu? 42 Kuibo sinä voit sanuo vellelles: "Annas, velli, otan topan sinun silmäs", ku sinä omas silmäs et näi partu? Midä heittelettös! Ota enzimäi parzi iččes silmäs, sit vaste näit ottua topan velles silmäs».