Тексты
Вернуться к списку | редактировать | удалить | Создать новый | История изменений | Статистика | ? Помощь
Paušin Šan’uu. Frolanpäiv Mišinselgäs
Paušin Šan’uu
Frolanpäiv Mišinselgäs
карельский: людиковское наречие
Новописьменный людиковский
Kyliin
vahnembad eläjäd tietäh , što d’oga kyläs , d’oga hierus ainoz pidettih omad pruaznikkad .Ezimarkaks , Priäžas oman pruaznikan on olnu Spuasanpäiv , Pyhärves da Tuaškolas – Il’l’anpäiv , Kend’ärves – Stroičč , D’ogensuus – Kazanskuu , Paloniemes – Tiifinskuo da muga edelleh .Pruaznikan aigah kävydih ad’voih toine toižiile , gost’ad tuldih toižiis kylispiäi .Huondeksel kävydih kalmižemale , a päiväl emändäd da ižandad poččivoittih omiid gostiid magedil piiragoil daigi toižiil syömižiil .
Nygyy tahtoižin sanoda Frolanpäiväs .Sidä pruaznikkad pidetäh kezän dälgemäižen päivän – 31.elokuud , i sidä pruaznikkad pidetäh Mišinselgäs .
Muga Frolanpäiväs on kirjutettu O .Ognevan da A .Konkan "Pyhät da arret " -kniigas : ⊂...⊃ Frolua Selgis pruaznuittih muga : huondeksel emändäd d’o striäpitäh , gu tietäh , što toižiis kylispiäi tuldah ristikanzat , mužikat heboidenke ⊂...⊃ Loitozespiäi tuldah d’o ehtäl , a ken lähembä eläy , siid huondeksel ...⊂...⊃ (voit sežo lugeda : O . Ogneva , A .Konkka .Pyhät da arret .Karjalaine rahvahankalendari .Petroskoi , Verso .S .253).
Mišinselg on vahne kylä , kudai seižou Nuožarven da D’essoilan kyliin keskel .Sada vuotte tagaperin sie eli läs 100 miest , vuodel 2010 – kuuz’ , a nygyy Mišinselgäs eläy oman akanke aino eläi – Mikko Zaicev – minun toine dädöi .Talvel Mišinselgäs kromi hänt , ei nikedä elä , no kevädel da kezän , daigi sygyzen algun aigakse sih tulou elämäh äi rahvaste – kezakodieläjäd .Toižed heis konz-lienou elettih Mišinselgäs , toižil täs kyläs elettin vahnembad libo baboid da dedoid .Sendäh hyö tuldah omah kodoilah kezäkse elämäh kyläelaigad .
Mikko Zaicev kaiken lapsestuzaigan eli Mišinselgäs , siid armijan d’älges tuli elämäh D’essoilah , kuz häin nai .Sie sovhoz andoi fateran hänele , kus häin eli oman suuren perehenke (hänel oli viiž laste ).Mikko ruadoi šof’oran kaiken igan , läs 50 vuotte , penzijassuai .A 12 vuotte tagaperin tuli elämäh Mišinselgäh , kus eläy nygyy kaikenaigan .Kaiken vuoden kävyy kalah Vagatd’ärveh , kezäl da sygyzel kävyy meččäh gribah da muard’ah .Mikol on suur’ ižandoičus : häin pidau poččid da kanoid , kazvattau kartohkad da d’uurikkahad .Mikon rindal ainoz eletäh koirad da kažid – ei ole aigad igävöita , konz on moine "hoz’aistv ".A konz tulou kezä , siid bunukad tuldah abuniekaks dedoilluo .
Konz kartohkad d’o kaivettu , muard’ad da gribad d’o kerätty , kalad d’ärves suattu , tulou Frolanpäiv .Sil päiväl Mikolluo tuldah omad , ken rindal eläy , D’essoilas , ken Petrouskois , a ken vie Suomes .Mikon stolan taga kaikile sijad kylläl .
Muloižel kezal pandemijan tähte Frolanpäivän ei tulnu äi gost'ad – sanou Mikko : "No täl vuodel meile Mišinselgäh on tulnu äi rahvaste , i poige Kurskapiäi kodoilah on tulnu , i Lusen’ka -čidžoi Suomespiäi on tulnu , toižed omad Priäžaspiäi .Huondeksel mänimme ezmäi kalmižmuale omiid muštelemah , a siid stolale , Val’oi , minun armaz akke d’o magedad syömišt on valmištannu .Tulgat , työ , meile tulijal vuodel Mišinselgäh !"
Frolanpäiv Mišinselgäs
карельский: людиковское наречие
Новописьменный людиковский