Тексты
Вернуться к списку | редактировать | удалить | Создать новый | История изменений | Статистика | ? Помощь
Natalja Antonova. Rastavu rauguu, Vieristy vinguu, Äijypäivy kätty andau
Natalja Antonova
Rastavu rauguu, Vieristy vinguu, Äijypäivy kätty andau
карельский: ливвиковское наречие
Новописьменный ливвиковский
Rahvahan
kalendari on aijankohtaine ainos .Luonnon tavanmugaizet kierrokset , kirikköpruazniekat , siän kačondat , ennustukset , uskomukset – kai net ollah kiini kyläläzien elaijas .Ies ollah kaikis kallehimat , vuotettavat talvi - da kirikköpruazniekat : Rastavu , Vieristy , Uuzi Vuozi da Vahnu Uuzi Vuozi .
Uuttu Vuottu Ven’al ruvettih pidämäh 31.talvikuudu – 1.pakkaskuudu yöhizel aijal tsuari Pedri I aigah .Aijombazen vuozihronolougien mugah sidä piettih 1.kevätkuudu da sit jo 1.syvyskuudu .
Uuzi Vuozi toinah on enimistön keskes kaikis suvaittavu juhlu , yhtelläh jällečel ruvettih jo enämbäl kunnivoimah kirikkö - da kalendaripäivii .Viizahuttu karjalazil ei pie lainata , jogahine vuvven aigu on saneltu šeikkuperäzesti da ylen syvästi .Da vie čomasti .
Tammi muas da taivahassah , viizikymmen kaksi oksastu , joga oksal seiččie jäičästy – viizi ruskiedu , kaksi mustua .(Vuozi da sen päivät )
Tiähti langei – ken ollou kuoli . Sano : "Amin’ , amin’… " Vai et sano nimidä , se mavokse menöy .
Talvisiä sualehet kyzyy , midä kezäl sait .Talvi kohtuu kandau , a kezä lastu kaččou .Korvanlehtie kubaitannou , sit lämmittäh da tuučču rodieu .
Talvel vai näet unes jauhuo , särgikalua libo muudu kalua , se on lumenpanokse .
Matikas on vuvven algu .Ku matikkua hyvin puuttuu , sit muu kala parembi tulou .Matikkua ku vähän suahah , sit kai vuozi rodieu kalatoi .
Synnyn aigua ei sua pestä sobua , eigo kuadua ligavezii muah .Ei vietä tuhkii pellol , eiga kezäl sil kohtal kazvau tuliheiniä .Rastavan da Vieristän välil ei vietä pihale hiildy eigo kegälehii , ku kezäl ei olis tulipaluo .
Synnynmuanaigua avatah huruan jallan kandupiäl kai pertin ukset da päčinjuškat da sanua virkuamata viertäh muate .Ken unis tulou uksii salbuamah , se on tulii ukko .
Tahtot gostiekseh Äijänpiän , gostita iče Rastavan .Rastavu on kallehin pruazniekku , vävvy – vuotettavin gostis .Rastavu tulou raugundanke , galbassu da lettu kainalos .
Vieristän jälles päivy kezäh , ilmu talveh .Talven selgy on pitky .
Tuhukuu sanoi pakkaskuul , ku olizin sinunnu , kylmäittäzin sälgyizen hevon vaččah da emändän käen taiginah – vai en voi kylmättiä , sendäh ku toizes silmäs jo vetty vuodau .
Pyhäkeski – aigu Rastavas Maidopyhälaskussah .Pyhäkeski on kuulužu aigu svuad’boih niškoi .
(On varustettu Ol’ga Ognevan da Aleksi Konkan Pyhät da arret . Karjalaine rahvahankalendari-kniigan pohjal )
Rastavu rauguu, Vieristy vinguu, Äijypäivy kätty andau
карельский: ливвиковское наречие
Новописьменный ливвиковский