Тексты
Вернуться к списку | редактировать | удалить | Создать новый | История изменений | Статистика | ? Помощь
Alina Gapejeva. Kyläs on hyvä eliä, ga eliä parembah luaduh olis parembi
Alina Gapejeva
Kyläs on hyvä eliä, ga eliä parembah luaduh olis parembi
карельский: ливвиковское наречие
Новописьменный ливвиковский
Enzisilmäl Heččulan kyläs
ei ole nimidä kummallistu : prostoit taloit , saruat da setämä pihafonarii .Dorogua myö hil’l’akkazin astutah rahvas .Kyläs ruatah alguškola-lapsienpäivykodi , kul’tuurutaloi , poštu , laukku da guazulaitos .Heččulan eläjien elaigu kiehuu .
OMA KYLÄ – MANDŽOI
Heččul on kymmenen kilometrin piäs Sordaval-juamalpäi , kylä kuuluu Vieljärven kyläkundah .Piästä Heččulah voibi vaiku omal mašinal libo poputkal , avtoubusat kyläh ei ajeta .Täl talvel dorogu on hyvin suomittu , sendäh ajua kyläh on helpo da miel dy myö .Dorogan reunoil seizotah kalaniekoin mašinat – Heččulan čupus on kalakastu kohtua .
Heččul on sij oitannuhes čomale kohtale .Pitkin dorogua da järvie seizotah puuhizet taloit , kudualoin truuvispäi nouzou savuu .Talvel kyläs eläy vähä rahvastu – läs viittykymmendy hengie .Kezän aigua kyläh tulou duačniekkua da elaigu rubieu kiehumah .
KUNI RUADAU ŠKOLA , SINI KYLÄ ELÄY
Kaksi vuottu tagaperin Heččulan alguškola-lapsienpäivykodi kačottih salvata .Kylän rahvas oldih sidä vastah da škola jatkoi ruadua .Lapset kui ennegi kävväh päivykodih da alguškolah .Vahnembien kluasoin opastujat joga päiviä ajellah Vieljärven školah .
Heččulan alguškola-lapsienpäivy kodi on sij oitannuhes pieneh ruskieh taloih .Sien tilat ollah puhtahat da mielužat : pluastiekkuikkunat , kruasitut lattiet , kaikkiel on äij y kukkua , ruatah lämmitysbatareit , on säilytetty vahnat päčit .Yhtes pertis on školamuzei .Školas on tulipalohälytyssistiemu , tualiettu da vezibutki .On mainittavu , ku syöndypertih vezi tulou kohti silmykaivospäi .
Lapsienpäivykoin kuvvele kazvatile da alguškolan viij ele opastujale tilua školas täydyy .Enne koronaviirusan pandemiedu pruazniekoin aigua škola oli täyzi paikallistu rahvastu .Nygöi pruazniekat pietäh kul’tuurutalois .
Heččulan pienes kul’tuuru talois järjestetäh erilazii pidoloi , konsertoi da ruadopajoi .Pidäy sanuo , kaikki ruadoloi kul’tuurutalois hommuau sen ainavo ruadai Žanna Porojeva , kudai piäl kahtukymmendy vuottu ruadau kyläs .
PAHUA DA HYVIÄ
Jälgiaigua kylis ruvettih salbuamah eri laitoksii .Se on koskenuhgi Heččulan kyliä .Salvattih poštan ozasto , sen sij as ruadau liikkuju poštanpunktu , salvattihgi kirjasto da medpunktu .Vuozi tagaperin hyllättih Vieljärven sovhouzan fermu , lehmät työnnettih žiivatankazvatandukompleksah Vieljärveh .Pahakse mielekse kyläläzil pidi eččie uuzii ruadopaikkoi .Ferman salbuandas ongi hyvytty – paikallizeh järveh nygöi ei virdua höštötty .Suuri ekolougiihädä , kuduas sovhouzan johtokundu ei ni virkanuh , hävii iče .
Internettu da mobil’noi yhtevys Heččulas ruatah pahoi .Suaja signualua on ylen vaigei , pidäy tiediä paikkoi .Sanommo , signualua voibi suaja hyllätys anguaras libo erähän fatieran ikkunan tagan .Ga vahnembien mieles muga on parembi , anna lapset juoksendellah pihal , eiga päivät istuttas telefonat käzis .Heččulas on kaksi kižakentiä , kus voibi juoksendella , kižata jalgumiäččyh da verkomiäččyh .Kentien nostamizeh yhtyttih lapsetgi .Kižakentät on aij oitettu .Ga erähät rahvas sanotah la aidu rodih liijan korgei .
KUNI RAHVAHAL ON TIRPAČUSTU
Heččulan kyläs eläjes ongi suurii probliemoi .Kyläs toiči sammutetah sähköt , konzu pani äij än lundu libo kovah tuulou .Sammutetah sähköt – kodikonehet heitetäh ruandu .Kyläläzet ollah jo harjavuttu kodvan aigua istumah pimies da poltamah tuohuksii .
Jälgiaigua kyläs oligi vaigei ostua syömisty da jogapäiväzii tavaroi .Kylän keskučas oli ainavo laukku , kudai ruadoi immin-kummin : toiči kuassukoneh ei ruadanuh , toiči ei voidu löydiä myöjiä (palku on ylen pieni ).Sen ližäkse laukan omistai möi tavaroi korgiembal hinnal toizih laukkoih verraten .Rahvas kodvan sidä tirpettih .Äij ät rahvas piätettih , ku tavaroi da syömisty on parembi ostua Jessoilas , kus voibigi ostua rohtoloigi . Lopukse laukku salvattih , laukan piendäs kyläs la ei ole hyödyy .Yhtelläh kyläläzet ei jiädy laukattah – kylän keskuččah eräs biznesmies on avannuh avtolaukan .Sie tavarat da syömizet myvväh tavallizil hinnoil .
Kylän rahvastu ilaškoitetah pros toit vešit – kukkuvago kylän keskučas , uuzi nimilaudu , tiedolaudu , kai pihafonari lapsien kentäl .Rahvastu ei varaiteta vaigevukset .Onhäi kyläs hyvä eliä .Ga parembah luaduh eliä olis parembi .
Kyläs on hyvä eliä, ga eliä parembah luaduh olis parembi
карельский: ливвиковское наречие
Новописьменный ливвиковский