Тексты
Вернуться к списку | редактировать | удалить | Создать новый | История изменений | Статистика | ? Помощь
Peša Ruočin paginoi. Sonniyhtistyksen perustamiskogous
Peša Ruočin paginoi. Sonniyhtistyksen perustamiskogous
карельский: ливвиковское наречие
Новописьменный ливвиковский
Salmin
muatalousneuvvoi Kirvesniemi , kudamua rahvas leikilläh sanoi "Kirvesvarrekse ", pidi puhien , kui välttämöi olis sonniyhtistys Man’šilan kyläs .
‒ Kun kylään hankittaisiin rotusonni , saataisiin toisen verran maitoa , kuin mitä nykyään saadaan , häi sanoi .
Ignoin Irin’n’u , kudai oli yöksynnyh kogoukseh , kyzyi plokahutti :
‒ A , sano sinä , hyvä herru , mi neče sonni oigiestah on ?(Rahvas rubei nagramah .)
‒ Ka , eihän se mikään ulkomaan eläin ole , sehän on sama kuin häkki salmin kielellä , muatalousneuvvoi Kirvesniemi vastai .
‒ Vai häkki !
Sinä taki , herru , minul tuhmal akal kielastat ?
‒ Kuinka niin kielstan ?
‒ Ga , eihäi häkki lypsä , kui sit maido voi ližävyö kaksinkerdazekse ?
‒ Se on sillä tavalla , että jos on hyvä siitossonni , silloin lehmäkanta paranee ja maidon tuotanto lisääntyy , Kirvesniemi sellitti .
‒ Vai muga on dielo !
Minä en sidä täh sah tiedännyh , hot’ olen elännyh jo yli seiččekymmen vuottu .Minä olen pidännyh selvänny , što sen dielon spruavii häkki kui häkki ; ei tietengäs heinyhäkki , Irin’n’u ližäi kujeh silmykulmas .
‒ Ei se niin ole .
Sonnista paljon riippuu , millaisia jälkeläisiä tulee , muatalousneuvvoi sanoi .
‒ Etgo sinä , Irin’n’u , ole pannuh merkil , što tavallizesti lapset tullah ižäh ?
Jesli ižän silmät ‒ kuavakse – ollah kieros , ga sit lapsilgi ne voijah olla kieros ?Spil’kan Jo hor sanoi .
‒ Ga , voihai dielo muga ollagi .
Minä olengi toizinah smiettinnyh , mikse noil Johoran lapsil jallat ollah mugalei homutalleh , vai nygöi segi azii minul valgeni .Eigo se ni kummu ole , ku ižän jallat ollah kui vuassupučin vandehet .(Rahvas tuas röhähtih nagramah .)
No , ku se "roduhäkki " muga äijän ližiäy maiduo , piätettih perustua sonniyhtistys Man’šilan kyläh .
‒ A kembo rubieu hoidamah sonnii ?
Lutikan Mikko kyzyi .
‒ Et ainagas sinä , Irin’n’u sanoi .
‒ A miksebo ei ?
kyzyttih .
‒ Ga , tiedäähäi Lutikan , sehäi järgieh rubieu häkis imemäh verdy .
Mikko suutahti da sanoi :
‒ Andakkua sit häkki Irin’n’an hoidoh , eihäi hänel muudu hoijettavua ni ole , ku mulloi ainavon lehmän vaihtoi sebaruattorih .
Tämä käi kibiesti Irin’n’ah .Hänel näit oli tozissah muga käynnyh , ku sebaruattorin vellas oli myödy huudokaupal hänen ainavo lehmy .Häi tuhahtih da lähti kogoukses iäres .Ukses mennes häi kuitengi sanoi :
‒ Probadikkah kogo sonnin , minuu kačo etto sen žiivatan täh haukku .
Pani uksen kiini , avai sen uuvvestah da kirgai :
‒ Andakkua se häkki Lutikan Mikon hoivah , sit hyö vai yhtes brihastetah .Ni kudamas ei kuitengas tule ni millastu tolkkuu .(Mikko näit oli vanhubriha .)
Peša Ruočin paginoi. Sonniyhtistyksen perustamiskogous
карельский: ливвиковское наречие
Новописьменный ливвиковский
‒
‒
‒
‒
‒