Тексты
Вернуться к списку | редактировать | удалить | Создать новый | История изменений | Статистика | ? Помощь
Peša Ruočin paginoi. Silein Ondrei ajamas ilvesty
Peša Ruočin paginoi. Silein Ondrei ajamas ilvesty
карельский: ливвиковское наречие
Новописьменный ливвиковский
Silein Ondrei oli
mečastämäs .Jo kolmattu päiviä häi oli ajannuh ilvesty , vai händy ei täl kerdua lykästännyh .Kolmanden piän illal häi oli jo lähil Šuistaman pidäjän rajua .Hänen evähät oli loppunnuh jo egläi , sentäh hänel oli nälgy kui pitkän aigua syömättä olluol hukal .Yön tulles jo piäl häi yöbyi Madokorbeh , luadi tulen da rubei kuivattelemah sobiidah .
Vähän aijan peräs tuli sih samal tulel šuistamalane mečästäi , Kiisselin Juakoi , kudamal tožo oli loppunnuh evähät .Hänel kuitengi oli mečoi sumčas .Ku Ondrei sen sai tiediä , häi ehotti , gu eigo sidä mečoidu pastettas tulel da syödäs yhtes .A se šuistamalane ei olis ni kui ruahtinnuh syöttiä puoldu mečoidu vierahan pidäjän mužikal .Sentäh häi ehottigi Ondreil , štobi ku tuas mečois ei ole jagamistu kahtel , ga sit olis parembi luadie muga , što sen sais syvvä heis se , kudai muates nägis kummallisemban unen .(Se šuistamalane näit oli kuulužu unennägii .)
‒ Ga , laimmo muga , myöndyi Ondrei .
A se mečoi hyö kynittih da andih tulel pastumah valmehekse .
Juakoi pötkähtih muate tulen lähil da n’ukahtih .A Ondreil ei tulluh uni , ku hänen vaččua n’averdeli nälgy .N’olgi suus häi kaččeli lihavua mečoidu , kudamas pastujes ihan tipui razvu .
"Jogohai tua lindu on kypsy ?
duumiskeli Ondrei .‒ Pidännöy opitella ."
Häi allukse otti yhten luuhuon , sit otti toizen .
"Kypsy on ."
‒ Jälgimäi häi opitteli da proobuičči sissah , kuni mečois ei jällel jiännyh kui kynnet da n’okku .
Ku häi oli syönnyh linnun loppuh , Juakoi havačui da sanoi Ondreil , kui interesnoin unen häi oli nähnyh .
‒ No , millanebo se uni oli ?
Ondrei tiijusteli sidä tarkembah .
‒ No vot , minä oli buite kui kuolluh .
Da ku minä olen hyvä mužikku , minut otettih taivahah .Sie minut vietih restoruanah , kudamas oli ylen äijy monenluadustu zakuskua .Minuu syötettih da juotettih muga lujah , štobi vačču oli rebiemäs .Eigo olluhgi ylen kummalline uni ?
‒ Pidäyhäi ugodie , kummasteli Ondreigi .
‒ Minägi täs levätes näin ihan saman unen .
Minä näin kui sinuu sie taivahas restoruanas syötettih da juotettih .Sentäh minä duumaičingi , što sinä sinne taivahah jiätgi , ku sinuu sie muga hyvin piettih .Siksebo minä täh yksin jiädyy da unimieles sen mečoin syvvä n’ablahutingi .
Peša Ruočin paginoi. Silein Ondrei ajamas ilvesty
карельский: ливвиковское наречие
Новописьменный ливвиковский
‒