Тексты
Вернуться к списку | редактировать | удалить | Создать новый | История изменений | Статистика | ? Помощь
Peša Ruočin paginoi. Viizahien opastandoi
Peša Ruočin paginoi. Viizahien opastandoi
карельский: ливвиковское наречие
Новописьменный ливвиковский
K u meijän
kylä oli ihan rajanpinnas , sie kävi ylen äijy rahvastu kaččomas rajua da meidy meččyläzii .Sinne tuli syväinsuomelazii , sinne tuli ulgomualazii , tuli herroi dai narriloi , tuli monenluaduzii tutkijoi da muidu hopsankeikkoi , kudamat iččiedäh sanottih turistikse .Erähät viizahat käydih meidy bluaznoi opastamas da neuvomas , kui ihmizen pidää eliä , olla da toimie .
Erähänny sygyzyn tuli meijän školah eräs herru , kudai sanoi on raittiuspuhui Helsingis päi .No , migäbä sit .Minä työningi školalazii myöte sanan kyläl , štobi illal pietäh školas raittiustilaisuus , kudamah pidää tulla suurel joukol .No , vägie tuli äijy , tuli muga äij y , što ihan luokan seinät račkettih .Oli ukkuo da akkua , oli brihoi dai neidizii , oli nuorii da vanhoi .
Školalazet allukse laulettih pari raitiuslauluu da eräs brihaččuine lausui tilaisuudeh sopivan runon .Sen jälgeh tuli puhujan vuoro .Häi puhui alkoholin turmiollizes vaikutukses kaksi čuassu .Häi selvitteli kuvien da piirustuksien ker , mil taval alkoholi rasvottaa syväimen , kui suurendaa maksan , kovettaa verisuonet , vahingoittaa aivod da muut mozkud , panoo segazin hermod , käbristyttää munuazet da suabi aigah ylen äijän muudugi pahua .
Rahvas kaččeli kuvii da kuundeli puhienpidäjiä ylen tarkkah , sentäh häi oli ylen mielissäh .
Ku häi oli lopettannuh puhien , häi ilmoitti kuundelijoil , štobi nygöi voidas täs azies vähäzen keskustella da vaihtua ajatuksii .Ku rahvas kainosteli , eigo keskusteluu tahtonnuh viritä , sanoin edurivis istujal Konoin Ondreil :
‒ No , mitä mieltä te , isäntä , olette tästä alkoholiasiasta ?
Ondrei nouzi pystyh , pyhki kämmenel parduadah , ryvähtih da sanoi :
‒ A , hyvin sinä herru pagizit .Minä olen sinun ker ihan samua mieldy .Kerran se alkoholi on ylen vahingolline da on muga kovua myrkkyy , ku munazetgi käbristytäh , on se hävitettävy poisiäres muan piäl da tilal on suadavu puhtastu viinua .
Anna sinä , hyvä kuulii , Ondreil andehekse !Häi oli jo vanhu da školuakäymtöi mužikku , eigo häi ellendännyh , mit ne munuazet da alkoholi ollah .Da toizekse Ondrei kogo puhien aijan oli ičekseh abrikoinnuh , što "alkoholi " on sidä suudarin lakkua , kudamua häi ‒ paremban puuttehes ‒ oli toizinah aiga lujah pardaheh n’akkualluh .
Peša Ruočin paginoi. Viizahien opastandoi
карельский: ливвиковское наречие
Новописьменный ливвиковский
‒
‒