Тексты
Вернуться к списку | редактировать | удалить | Создать новый | История изменений | Статистика | ? Помощь
Nikitina L'ubov'. Kaimavot
Nikitina L'ubov'
Kaimavot
карельский: ливвиковское наречие
Новописьменный ливвиковский
Urokoin
jälles enzimäzen kluasan opastujat juostih pihale .Školan piha oli katettu pehmiel lumel .Erivärizis – keldazis , sinizis , vihandois – takkilois lapset oldih rounoku talvekse linnah jiännyöt linduzet .
Kaččokkua , Jegorkagi juoksou .Hänen kirkas ruskei takki rounoku hänes tuači kirguu : "Vastakkua minuu , olen jo täs "!Häi kerras oijendi minule jygien repun , rouno oman vaigien ruavon tuloksen .
Jegor sanoi minule hyväs mieles :
– Buabo , tänäpäi minä lövvin omat egläi kaimatut sormikkahat !
– Kuibo muga , kusbo net oldih ? kyzyin .
– "Kaimavoloin " pualičal ! Minä iče smeknin sie kaččuo , ylbiesti sanoi Jegorka .– Hyvin ečin dai lövvin !
– Mittuine olet moločču , kiitän minä Jegorkua . – Sormikkahittah tänäpäi ei sua , on kova pakkaine .
Myö mollembat hyväs mieles lähtimmö astumah kodih päi , jatkoimmo paginua sormikkahih nähte .Minä varakse kyzyin :
– Etgo hos tänäpäi nimidä kaimannuh ?
Jegor tahtoi varmah sanuo , ku kai on hyvin , ga kerras tostihes , ku unohti školah jallačit .Myö kiännyimmö školah , otimmo huavon jallaččiloinke da lähtimmö kohti avtoubusoin azetuskohtale , ku teriämbi piästä kodih .
Avtoubusas Jegorka kyzyi minul :
– Buabo , midä sinä ruat ?
– Minä ajan . A sinä midäbo ruat ?vastain .
– Minä kačon sinuu , vastai Jegorka .
– Sinä kačo parembi omii veššilöi , ku net ei kaimavuttas ! sanoin Jegorkale .
Jegorka lujah kobristi repun käzis da ajatteli , ku ei vaiku lapset malteta kižata peittozih , kižatahgi enzikluasoin opastujien vešit .
Kaimavot
карельский: ливвиковское наречие
Новописьменный ливвиковский
–
–
–