Тексты
Вернуться к списку | редактировать | удалить | Создать новый | История изменений | Статистика | ? Помощь
MINUN PEREH
MINUN PEREH
карельский: ливвиковское наречие
Новописьменный ливвиковский
Minä
olen Zakin Peša .Minul on 18 vuottu .Minä olen karjalaine .Minun perehes kaikin ollah karjalazet da maltetah paista karjalakse .Iče minä pagizen vie ven’akse , suomekse da angliekse .Pahakse mieldy minä en malta ruočikse , hos olen äijän kerdua olluh sie .Minul on suuri pereh .Minun tuatto da muamo eletäh Anukses .Minun tuatan nimi on Iivan , muaman nimi on Anni .Tuatto on kahtu vuottu vahnembi muamua , tuatal on 48 vuottu .Minul on vie čidži da velli .Maša-čidžil on 25 vuottu , häi on jo miehel .Hänel on pieni lapsi Pal’a , kudamal on puolitostu vuottu igiä .Minun velli Il’l’u opastuu školas kuvvendes kluasas .Häi ylen hyvin opastuu da vie školan jälles kävyy kižuamah jalgumiäččyh .Minun tuatto da muamo ollah ylen nerokkahat .Muamo maltau niegluo , ommella , pastua .Häi pastau ylen magiedu šipainiekkua da pyöräkkyö .Tuatto kävyy kalah , meil ainos kois on omua kalua .
Kezäl da sygyzyl myö kaikin yhtes kävymmö muarjah da gribah .Vie meijän perehes kaikin suvaijah lugie da kävvä kinoh .Myö luvemmo kniigoi dai lehtilöi (gaziettoi ).Nygöi minä elän Petroskois da opastun Petroskoin valdivonyliopistos karjalan da suomen kieldy .Minä opastun toizel vuozikursal .Minuu ylen äijäl miellyttäy opastundu .Joga päiviä meil on kolme libo nelli luvenduo (urokkua ).Argipäivinny minä nouzen aijoi huondeksel .Terväzeh pezemmös , šuorivun da syön huondesveron .Sit minä menen yliopistoh .Yliopistoh minä kävyn jallai .Yliopiston jälles minä tulen yhteiskodih syömäh , sit äski menen kirjastoh libo kävelemäh pihale .Ehtäl minä luajin kodiruavot da luven kniigoi .Vieren muate kymmenen aigua .
MINUN PEREH
карельский: ливвиковское наречие
Новописьменный ливвиковский