Тексты
Вернуться к списку | редактировать | удалить | Создать новый | История изменений | Статистика | ? Помощь
Meččyelätit talvel
Meččyelätit talvel
карельский: ливвиковское наречие
Новописьменный ливвиковский
Talvel
meččy kai on lumen peitos .Mua , puut dai tuhjozet – kai ollah lumes .Lumi vardoiččou kazviloi da elättilöi vilus , ei anna niilöile kylmiä .Lumen al omis pezis muatah kondiet da mägrät .Uinotah talvekse böbökät , šlöpöit , šižiliuhkut da mavot .Net havačutah talviunes vaste keviäl .Talven tulduu mečän elos ei sammu .Äijät meččyelätit ei muata talviundu .Pellol puaksuh voit nähtä reboidu , kudai eččiy hiirdy , järvel da jovel – sagarvuo , kudai pyydäy kalua .Hukku da pordimoi syömizien ečos voijah juosta päiväs enämbän 30 kilometrii .Äijät elätit talvekse vaihtetah turkin .Kezäturki vaihtuu lämmembäkse da tuuhiembakse talviturkikse .Jänöil , oraval da pordimoil vie muuttuu turkin väri .Kezäl oraval turki on ruspakko , talvel – tuhkanharmai , händy da korvien n’okat vaiku ollah muzavanruskiet .Hos talvi on vilu da jygei aigu elättilöile , net ollah harjavuttu sih .Poikkevuksennu ollah muuttolinnut , kudamat talven aijakse lennetäh lämmih mualoih .
Meččyelätit talvel
карельский: ливвиковское наречие
Новописьменный ливвиковский