Тексты
Вернуться к списку | редактировать | удалить | Создать новый | История изменений | Статистика | ? Помощь
Karjalaine Pakkaine
Karjalaine Pakkaine
карельский: ливвиковское наречие
Новописьменный ливвиковский
Ven’alazil
on Pakkasukko , suomelazil – Joulupukki , amierikkalazil – Santa Claus , francielazil – Per Noel .Karjalazil sežo on oma Pakkasukko .Tiijätgo , kui on hänen nimi da kugalaine häi on ?Häi eläy Anuksenlinnas da nimi hänel on Pakkaine .Karjalaine Pakkaine ei ole , kui toizet Pakkasukot , vahnu parrakas mies .Häi on nuori , ravei da iloniekku .Häi on roinnuhes talven enzimäzenny piän da on kauppumiehien suguu .Häi on roinnuhes matkas , konzu hänen tuattah da muamah ajettih jarmankaspäi kodih .Pihal oli kova pakkaine , ga brihačču oli terveh da luja , matkas ei kylmänyh .Sendäh hänele pandih nimi Pakkaine .
Kui tuattah da muamah , kazvahuu brihaččugi rodih kauppumiehekse .Anuksenlinnas , omas rezidencies , Pakkazel on laukku .Sie häi vastavuu rahvahanke .Hänellyö gostih kävväh lapset dai täyzi-igäzet .Pakkazel on oma tiedovoittu dengaine – Aino diivo .Aino diivo tuou lykkyy sille , ken pidäy sidä käis .Talvel Anukses Pakkaine pidäy kilboi – Pakkazien kižoi .Kižat ollah Pakkazen roindupäivänny – 1.talvikuudu .Niilöih ozuttamah omua neruo da vägie tulou Pakkasukkuo kaikkielpäi Ven’ua da ulgomualoisgi .
Karjalaine Pakkaine
карельский: ливвиковское наречие
Новописьменный ливвиковский