Тексты
Вернуться к списку | редактировать | удалить | Создать новый | История изменений | Статистика | ? Помощь
Rastavu rauguu, Vieristy vinguu
Rastavu rauguu, Vieristy vinguu
карельский: ливвиковское наречие
Новописьменный ливвиковский
Meijän
muas Rastavua pietäh 7.pakkaskuudu , Vieristiä – 19.pakkaskuudu .Liygiläzet tädä aigua Rastavas Vieristässäh sanotah Synnynaijakse libo Synnynmuanaijakse , vienankarjalazet – Vieristänkeskekse .Karjalazet uskottih , ku täl aigua muale tullah Syndy da Vieristänakku , rahvas voijah nähtä heidy da paista heijänke .Syndy da Vieristänakku ollah mifolougizet olendot .Syndy heittyy taivahaspäi , a Vieristänakku nouzou viespäi – avandospäi .Heidy kunnivoittih dai varattih , opittih luadie kai , kui hyö tahtotah .Liygiläzet uskottih Syndyh da sanottih , ku se on ylen suuri mužikku .Häi kävelöy turkilois , jallas hänel ollah kengät .Kengät hänel ollah kylmät , vai ročketah pakkazel , sendäh hänen tulendale pastettih val’l’oidu – "synnynhattarua ", ku hänel jallat ei kylmettäs .Vie hänen tulendale pastettih synnynleibäine .Sidä leibästy synnynmuanaigua piettih stolal , jälles pandih obrazoin edeh .Kezäl jyryn aigah synnynleibästy piettih ikkunal , ku tuli ei iškis kodih .Ga puaksumbah Syndyy nähtih heinysuatonnu .Konzu häi heityi taivahas , oli pikoipikkaraine – liinusiemenyön suuruine .Sit , konzu käveli kaksi nedälii muadu myöte da keräi ristikanzoin riähkii , kazvoi ylen suurekse heinysuatokse .Hänel oli ylen jygei nosta järilleh taivahah , sendäh rahvas luajittih hänele pordahat – pastettih kagrastu kokkoidu .Vieristän yöl se uvvessah nouzi taivahah .Vienankarjalazet uskottih Vieristänakkah .Hyö sanottih , ku se eläy järves libo joves da on pahannägöine , hänel ollah pitkät terävät kynnet da pitky nenä .Häi kävelöy revinnyzis sovis .Synnynmuanaigu oli pyhä aigu .Uskottih , konzu Syndy kävelöy muadu myöte , hänen tiedy ei sua ligavuttua .Sendäh täl aigua ei ruattu nimittumii ligaruadoloi , eigo pesty sobii , eigo lattieloi , ei ni ligavezii pihale kuattu .Tuhkii , hiilii da kegälehii sežo ei vietty pihale , ei ni kengii vaksattu .Nuoret Synnynmuanaigua käveltih smuutannu da piettih iluo .Kerävyttih yhteh da šuorivuttih muga , ku heidy ei tundiettas : tytöt brihoikse , brihat tyttölöikse .Turkitgi pandih muurin .Sit kentahto nouzi taloih da kyzyi : "Suaugo taloih tulla gost’ua ?"Ku suadih luba , sit mendih pertih .Pläšittih da pajatettih .Taloinvägi gostitti smuuttii .Erähät hienuo dengua annettih .Synnynmuanaigua nostettih lembie .Täl aigua sai kaikkie pahua luadie .Nuoret salvattih veriälöi pihalpäi , kuattih halgopinoloi , varrastettih kylyn veriälöi da viettih net järvele , jiäle .Uskottih : midä enämbäl heidy čakatah , sidä korgiembale nouzou lembi .Synnynmuanaigua arvattih tuliedu elaigua da kačottih uniloi .Syndy da Vieristänakku voidih ozuttua , midä rodieu ristikanzoin elokses .Liygiläzet käydih kuundelemah Syndyy tiešuarale .Otettih keräle lehmän nahku , levitettih se lumele da istuttihes sille .Eräs kuundelemah tulluzis kierdi nahkal istujii , vedi šiižmal libo kirvehel heis ymbäri kruugan da sanoi luvun , ku Syndy ei voinnus luadie nimidä pahua .Kuultaneh kellozien iäni , roih miehele libo naimah mennä .Konzu kuuluu , kui riihty puijah – rodieu hyvä vuozi , gu itku kuulunou – pidi vuottua hädiä .
Rastavu rauguu, Vieristy vinguu
карельский: ливвиковское наречие
Новописьменный ливвиковский