Тексты
Вернуться к списку | редактировать | удалить | Создать новый | История изменений | Статистика | ? Помощь
Maidopyhälasku
Maidopyhälasku
карельский: ливвиковское наречие
Новописьменный ливвиковский
Maidopyhälasku
on suuri pruazniekku .Se ainos on nedälii enne Suurdu pyhiä .Suuri pyhä on seiččie nedälii enne Äijiäpäiviä .Kui Äijypäivy muuttuu čislas , mugai Maidopyhälasku on liikkui , ei ole ainos yhtel aigua .Maidopyhälaskunnu kaimattih talvie da vastattih kevätty .Nuoret dai vahnat täl aigua čurattih mäis : nuoret piettih iluo , a vahnembi polvi pitkiä pelvastu čurai .Uskottih , midä loitombakse čurnit , sidä pitkembi pelvas kazvau dai talvi teriämbäh keviäh päi kiändähes .Maidopyhälaskunedäli on jälgimäine nedäli enne Suurdu pyhiä , konzu suau syvvä argie .Täl nedälil syödih liharokkua da kalakurniekkua , pastettih val’l’oidu da čupukkua .Čupukkua pastettih joga talois – köyhäs da varakkahas .Vai riehtilät rämistih , - mustellah karjalazet .Čupukku rahvahan mugah on samannägöine kui kevätpäiväine .Maidopyhälasku loppih pyhänpiän .Sidä päiviä sanottih prosken’n’upäiväkse .Sinäpiän omat da tuttavat otettih toine toizel prosken’n’ua .Emändäl sinäpiän pidi ainos olla jalloilleh , ku pelvahat oldas šuoriet .Gu mennöy pitkälleh , sit net mennäh lagoh , ku istavunnou , sit tullah viärikse .Maidopyhälaskun jälles lähtöy pitky seiččienedäline Suuri pyhä .Pyhän aigah uskojat rahvas pyhitetäh .Silloi ei sua syvvä nigo lihahistu , nigo maidohistu .Ennevahnas täl aigua syödih siendy , kuaššua , kartohkua , paččoidu , kuivua kalua .
Maidopyhälasku
карельский: ливвиковское наречие
Новописьменный ливвиковский