Тексты
Вернуться к списку | редактировать | удалить | Создать новый | История изменений | Статистика | ? Помощь
Natalja Sinitskaja. Jyry
Natalja Sinitskaja
Jyry
карельский: ливвиковское наречие
Новописьменный ливвиковский
Buabo
ylen äijäl varai jyryy .Konzu tuldu iški da ylen äijäl jyrizi , buabo risti ikkunat da veriät .Ikkunoil häi pani kirikös pyhitettylöi pärpäččyzii .Zirkaloloin da läpettäjien kravattiloin piälöin piäle buabo pani kattiet .In’a ei jo äijäl varannuh jyryy , ga muite luadi kai , midä buabo käski .Toiči , konzu buabo ylen äijäl varavui , häi istuihes päčin tuakse pimieh čuppuh da otti kerale In’angi .
– Baba , mindähbo muga jyrizöy , kyzyi In’a .
– Se Pyhä Il’l’u ajau taivastu myöte omas käris . Rattahat muga jyräitetäh , kai muale kuuluu .Toiči häi viippuau käil da laskou tuldu – anna rahvas varatah da mustetah , ku Jumal on kaikis piälimäine .
Jyryn jälles In’a ainos lähti pihale da hengitti .Nenäh muga hyvin tuli lehtel da heinäl .Märris heinäzis da kukis läpetettih vien pizarehet , niilöis kuvastui päiväine .In’al oli hyvä mieles , ku loppihes jyry da nygöi ei pie varata .
Jyry
карельский: ливвиковское наречие
Новописьменный ливвиковский