Тексты
Вернуться к списку | редактировать | удалить | Создать новый | История изменений | Статистика | ? Помощь
Valentina Libertsova. Ehtyvagoi
Valentina Libertsova
Ehtyvagoi
карельский: ливвиковское наречие
Новописьменный ливвиковский
Vastain
kyläs tuttavii Piiterispäi .Rubeimmo tarattamah eländäh-olendah näh .A paginan lopul hyö tostettihes :
– Uskaldettih omahizet vagoidu , ga ei lövvetty .
– Muga on , vastain , tänävuon vagoi ei ole ojien reunoil , vaigu sagies syväs mečäs , kus tuuli ei puistanuh kukkazii .
– Ga sinä midäbo tiijät , kus vagoigi on ? kyzytäh minuu .
– Ga tiijän , tänäpäi enne murginua keräin kaksi bitonastu zakuazan mugah .
– Kuule , raukku , meil jo huomei huondekses pidäy ajua iäres . Toinah keriät hos bitonazen , lapsile talvekse täydyy .
– Ga mittuot probliemat , vastain , – on nellilitrahine bitonaine , keriän jo .
Tulin kodih , tembain syvvä , selgiin , istuimmos pyöräle da meččäh vagoih .Pyöräl pidäy ajua kaksi kilometrii , a sit vie kaksi kilometrii jallai dorogata astuo .Tulin sih kohtah , kus huondeksel keräin , kačon , vagoi karju da kypsi , čomus , terväh keriän .A oli jo elokuu , ei oraskuu , päivy jo lähti hubevumah , aigua minä en kaččonuh , čuassuloi en pie , kai päivästy myö .Kačo vai , ga päiväine jo laskihes , pidäy teriämbi täyttiä bitonaine , vähästy vajai on .A keriän minä kirkieh , bitonaine armeiskoil vyöl , ruan mollembil käzil .Innostuin , tuulemah rubei .
Silkeskie kuulen , ga en yksin vagoidu keriä .Tuulen čuraspäi kuuluu ohkeh , näčkytys , oksien račkeh .Ga kenbo sie nengozes syväs mečäs , loitton dorogas , da vie nenga myöhä vagoidu keriäy ?Mielet kiinitti , hyvä ku bitonaine oli jo vähiä vajai täyzi .Nouzin minä sammaloitunnuole vierinkivele , kačon sinnepäi , ga midäbo näin ?Naparniekkannu ei ristikanzu ole , ga ...kondii .Hyvä , gu tuuli hänen čuraspäi , ei minuu vainunuh , dai minä keräin yhtes kohtas , en liikkunuh , dai vagoižikko oli ylen sagei .
Kačon , ga kondii ku ristikanzu nouzou tagajalloile , kuabailou vagoituhjoloi vuoroh yhtel libo mollembil käbälil , azuu gu vastazen da mielihyväl näčkyttäjen nuolou kielel yhtes puoles , sit toizes , kurizou , urizou .Nägö mielenkiinittäi , ga eliägi himoittau , yhten veičenke midä suau kondienke luadie , agu midä tapahtunnou !Da gu se vie eihäi ole pieni kagrupeldokondii , a tovelline muzavanruskei !
Kui minä heityin kivespäi , kui piäzin suossah , en musta , se tapahtui gu unis .Suol vie oli valgei , sit suon kauti , liij an kilometrin hakkain da puutuin pyöräh .Vai konzu istuimmos pyöräle , tostimmos , kui säristäh polvet , a iče olen märgy hies .
Jälles tädä tapahtumua minä ahkeroičin ei kävvä ehtäl meččäh ni marjah , ni gribah .Dai ongele kačoin parembakse kävellä troppii myöte .
Ehtyvagoi
карельский: ливвиковское наречие
Новописьменный ливвиковский
–
Лазарев Иван
Вечерняя малина
русский
-